मारेगाव-पोलीस नायक(प्रतिनिधी):-
उमेद महाराष्ट्र राज्य ग्रामीण जिवोनोन्नती अभियान अंतर्गत उज्वला महिला ग्रामसंघ भालेवाडीच्या मध्यमातून बचत गट तयार करण्यात आला असून या बचत गटाच्या माध्यमातून अनेक गरीब महिलांचे स्वप्न साकार होणार आहे.तालुक्यातील भालेवाडी येथे तालुका अभियान व्यवस्थापक तालुका अभियान व्यवस्थापन कक्ष प. स. मारेगाव यांच्या मार्गदर्शनाखाली नुकतेच उज्वला महिला ग्रामसंघच्या फलकाचे उद्घाटन करण्यात आले आहे.
बचत गटाच्या माध्यमातून महिला सक्षमीकरण करून महिलांची उपजीविका वाढवण्याच्या दृष्टिकोनातून महिलांची आर्थिक परिस्थिती सबळ होईल व छोटे छोटे उपक्रम राबविला जाणार असल्याची माहिती उपस्थितांनी दिली.या उद्घाटन प्रसंगी सदस्य मारोती गौरकार,ग्रा.पं.सदस्य अंकुश माफुर,ग्रामसंघ अध्यक्षा मीना खडसे,सचिव सुनंदा टेकाम,प्रभाग कृषी व्यवस्थापक महेश पाचपोहर,प्रभाग पशु व्यवस्थापक प्रफुल्ल शंभरकर व समुदाय संसाधन सखी सारिका कुमरे,यांच्यासह महिला मोठ्या संख्येने उपस्थित होत्या.
