“भाजपात एकही महिला मुख्यमंत्री पदासाठी लायक नाही का”? !! महिला मुख्यमंत्री पदावरून सुषमा अंधारेंनी महायुतीला विचारले दोन प्रश्न !!

मुंबई-पोलीस नायक (वृत्तसेवा) :-

दि.३० नोव्हेंबर २४ शनिवार

राज्यात सत्तास्थापनेचा पेच निर्माण झाला असून महायुतीला निर्वावाद बहुमत मिळाले असले तरीही मुख्यमंत्री पदावरून रस्सीखेच सुरू आहे.मुख्यमंत्री पदाच्या शर्यतीतून एकनाथ शिंदेंनी माघार घेतली असली तरीही भाजपाकडून अद्यापही या पदाचा चेहरा समोर आलेला नाही.तर दुसरीकडे राज्यातील मंत्रिमंडळ विस्ताराची चर्चाही रखडली आहे त्यामुळे राज्यात शपथविधी केव्हा होणार ? राज्यात नवे सरकार कधी स्थापन होणार ? याबाबत अनेक प्रश्नचिन्ह आहेत यातच शिवसेना (उद्धव ठाकरे) पक्षाच्या उपनेत्या आणि प्रवक्त्या सुषमा अंधारे यांनी भाजपाला रोखठोक प्रश्न विचारला असून “विजयाची खात्री नसलेल्या शिंदे गटाच्या एका वाचाळ प्रवक्त्याने निकालाच्या पूर्वसंध्येला म्हटले होते की पुढच्या ४८ तासांत महाविकास आघाडीने सत्ता स्थापन केली नाही तर २६ नोव्हेंबरला राज्यात राष्ट्रपती राजवट लागणार.शिंदे गटाचा सत्तेतील दावा तर संपला.सिंगल लार्जेस्ट पार्टी म्हणून भारतीय जनता पक्षाचा मुख्यमंत्री मात्र अजूनही ठरत नाही.आज असे कळतेय मुख्यमंत्री पदाचा शपथविधी ५ डिसेंबरला होईल यानिमित्ताने दोन प्रश्न निर्माण होतात” असे सुषमा अंधारे म्हणाल्या.