महायुतीमधील तीन पक्षांच्या एकमेकांविरोधात फाईल बाहेर येण्यास सुरुवात !! अधिवेशनात स्फोट होणार !! संजय राऊत यांचे सूतोवाच

मुंबई-पोलीस नायक (वृत्तसेवा) :-

दि.१४ डिसेंबर २४ शनिवार

निकाल लागून २० दिवस झाले आहेत.ईव्हीएमच्या माध्यमातून पाशवी बहुमत ओरबडल्यानंतरही या लोकांना सरकार स्थापन करता आलेले नाही.मंत्रिमंडळाचा विस्तार झालेला नाही.राज्यात सरकार नसल्यामुळे रोज खून-दरोडे आणि लुटमार सुरू आहे.मुख्यमंत्र्यांची नागपूरमध्ये मिरवणूक निघणार असल्याचे समजले म्हणजे राजा उत्सवात मग्न आहे.राज्याला गृहमंत्री,आरोग्य मंत्री शिक्षण मंत्री नाही…हे कसले राज्य आहे ? तीनही पक्षांमध्ये ताळमेळ नाही त्यामुळे आम्हाला या राज्याची चिंता वाटते अशी टीका शिवसेनेचे (ठाकरे) नेते खासदार संजय राऊत यांनी केली आहे.आज सकाळी माध्यमांशी बोलत असतांना संजय राऊत म्हणाले,“महायुतीने कुणालाही मंत्री केले तरी तीन पक्षाचे लोकच एकमेकांच्या विरोधात फाईल आणून देणार आहेत.तशा फाईल यायला सुरुवात झालेली आहे.या तीन तंगड्या एकमेकांत अडकून महाराष्ट्राचे नुकसान होणार आहे.विधानपरिषेदतील आमचे विरोधी पक्षनेते अंबादास दानवे महत्त्वाच्या विषयांना वाचा फोडतीलच तसेच शिवसेनाप्रमुख उद्धव ठाकरेही नागपूर अधिवेशनासाठी जात आहेत त्यामुळे याच अधिवेशन काळात एखादा स्फोट होऊ शकतो असे खात्रीने सांगतो.”