फडणवीसांच्या मंत्रिमंडळात २० नवे चेहरे,चार महिला व सहा राज्यमंत्री तर १७ जिल्ह्यांची पाटी कोरीच !!

काय म्हणाले एकनाथ शिंदे ?

“आम्ही पक्षात ठरवले आहे की अडीच वर्षांचं मंत्रिपद असेल त्यामुळे अनेक लोकांना संधी देऊ शकतो.जो काम करेल त्याला संधी मिळेल.जो विभाग ज्याला मिळेल तिथे त्याने पूर्ण काम करून दाखवले पाहिजे.जो परफॉर्म करेल त्याला संधी मिळेल” अस एकनाथ शिंदे  यांनी सांगितले.यानंतर मुख्यमंत्री देवेंद्र फडणवीस यांना देखील पत्रकारांनी भाजपाचा देखील अडीच वर्षांचे मंत्रिपद असेल असा फॉर्म्युला ठरला आहे का ? असा सवाल केला.यावर आम्ही प्रत्येक मंत्र्यांच्या कामाचे परफॉर्मन्स ऑडिट करू असे देवेंद्र फडणवीस म्हणाले.एकनाथ शिंदे  म्हणाले,अनेक नेते असे आहेत,त्यांच्यात मंत्री होण्याची क्षमता आहे.आम्ही अडीच वर्षांचा फॉर्म्युला ठरवल्याने अनेक चेहऱ्यांना संधी मिळेल मात्र त्यातही परफॉर्मन्स दाखवावा लागेल.परफॉर्म ऑर पेरिश असाच फॉर्म्युला एक प्रकारे एकनाथ शिंदे यांनी सांगितला आहे तसेच आता आमच्यापुढे मिशन समृद्ध महाराष्ट्र हेच मिशन आहे.महाविकास आघाडीच्या काळात जे बंद पडलेले प्रकल्प होते त्यांना आम्ही मागच्या अडीच वर्षांत चालना दिली.आताही आम्ही महाराष्ट्र समृद्ध कसा होईल याकडे आमचे संपूर्ण लक्ष असणार आहे असेही एकनाथ शिंदेंनी  म्हटले आहे.

भाजपातही असाच फॉर्म्युला असेल असेल का ? हे विचारले असता मुख्यमंत्री म्हणाले आम्ही परफॉर्मन्स ऑडिट करु.ऑडिटमध्ये लक्षात आले की मंत्री योग्य काम करत नाही आहे तेव्हा त्या मंत्र्यांचा पुनर्विचार केला जाईल असे देवेंद्र फडणवीसांनी स्पष्ट केले.कॅबिनेटच्या बैठकीत आम्ही तिघांनी आपल्या मंत्र्यांना सांगितले आहे की परफॉर्मन्स ऑडिट केले जाईल व ज्यांना मंत्री म्हणून घेतले नाही त्यांना पक्षाकडून वेगळी जबाबदारी दिली जाईल.भाजपमध्ये ज्यांना मंत्री केले जात नाही तेव्हा त्यांना पक्षाकडून काही वेगळी जबाबदारी देण्याचे निर्णय झालेले असतात मात्र जे मंत्री आज ड्रॉप झाले आहे त्याच्यामध्ये काही लोक परफॉर्मन्स न केल्यामुळे ड्रॉप झाले असतील असेही होऊ शकते असे देवेंद्र फडणवीस यांनी म्हटले आहे.

               सातारा-पुणे तुपाशी तर अर्धा विदर्भ उपाशी !! राज्यातील १७ जिल्हे मंत्रिपदापासून वंचित !!