सैफ अली खानवरील चाकूहल्ल्याप्रकरणी एक जण ताब्यात !! वांद्रे पोलीस ठाण्यात चौकशी सुरू !!

मुंबई-पोलीस नायक (वृत्तसेवा) :-

दि.१७ जानेवारी २५ शुक्रवार

बॉलिवूड अभिनेता सैफ अली खानवर गुरुवारी पहाटे २.३० च्या सुमारास जीवघेणा हल्ला झाला.हा हल्लेखोर चोरीच्या उद्देशाने घरात घुसल्याचे प्राथमिक तपासाअंती सांगण्यात आले आहे.या प्रकरणातील धक्कादायक बाब म्हणजे हल्लेखोर जबरदस्तीने किंवा कुठलीही मोडतोड न करताना घरात घुसल्याचे दिसून आले आहे.हल्लेखोर घरात शिरला आणि त्याने सैफवर चाकूने सहा वार केले.या हल्ल्यात गंभीर जखमी झालेल्या सैफला तत्काळ लीलावती रुग्णालयात दाखल करण्यात आले.सैफच्या घरात किंवा घराबाहेर कुठेही सीसीटीव्ही कॅमेरा नसल्याचे पोलिसांकडून सांगण्यात आले आहे त्यामुळे हल्लेखोराचा घरात जातांना किंवा तिथून पळून जातांनाचा कोणताही व्हिडीओ समोर आलेला नाही.मात्र इमारतीच्या पायऱ्यांजवळील एका कॅमेऱ्यात हल्लेखोर कैद झाला असून या व्हिडीओच्या मदतीने पोलीस आता हल्लेखोराचा तपास करत आहेत.

सैफ अली खानवरील चाकूहल्ल्याप्रकरणी एका संशयित आरोपीला पोलिसांनी ताब्यात घेतले असून वांद्रे पोलीस ठाण्यात त्याची चौकशी सुरू करण्यात आली आहे. काही वेळापूर्वी वांद्रे पोलीस ठाण्यात एका आरोपीला आणण्यात आले आहे.पोलिसांनी या आरोपीविषयी अधिक माहिती देण्यास नकार दिला आहे.सीसीटीव्ही फूटेजमध्ये दिसलेला आरोपी आणि पोलिसांनी वांद्रे पोलीस ठाण्यात आणलेल्या संशयिताची शरीरयष्टीसारखीच दिसत असल्यामुळे हल्लेखोराला पकडल्याचे  बोलले जात आहे मात्र पोलिसांनी सध्या यावर भाष्य करण टाळले आहे.पोलीस सध्या आरोपीची चौकशी करत आहेत जोवर तोच हल्लेखोर आहे हे स्पष्ट होत नाही तोवर काही माहिती जाहीर केली जाणार नसल्याचे सांगितले जात आहे.सैफ अली खानवर हल्ला करणाऱ्या हल्लेखोराला पकडण्यासाठी पोलिसांची २० पथके तयार करण्यात आली आहेत.