‘बाळासाहेब ठाकरे आपला दवाखान्यांचे मुख्यमंत्र्याच्या हस्ते लोकार्पण

धारावी येथे आयोजित एका समारंभात दृकश्राव्य प्रणालीचा वापर करुन ५१ ठिकाणी उभारण्यात आलेल्या दवाखान्यांचे उद्घाटन व लोकार्पण मुख्यमंत्री शिंदे यांच्या हस्ते करण्यात आले.आगामी सहा महिन्यात मुंबईत एकूण २२० बाळासाहेब ठाकरे दवाखाने निर्माण केले जाणार आहेत.यातील काही दवाखाने हे दवाखाने उपलब्ध असलेल्या मोकळय़ा जागेत पोर्टा केबिनमध्ये कार्यान्वित करण्यात येणार आहेत तर काही दवाखाने हे सध्या उपलब्ध असलेल्या दवाखान्यांच्या जागेत सुरू करण्यात येणार आहेत.याबाबत अधिक माहिती देताना डॉ.गोमारे यांनी सांगितले की,सार्वजनिक आरोग्य खात्यातर्फे बाळासाहेब ठाकरे प्राथमिक आरोग्य सेवा सक्षमीकरण योजने अंतर्गत सर्वसमावेशक प्राथमिक आरोग्य सेवा नागरिकांना त्याच्या सोयीनुसार उपलब्ध करून देण्यात येत आहेत.यानुसार पहिल्या टप्प्यात १७ नोव्हेंबर २०२२ पासून ५१ दवाखाने सुरू करण्यात आले.पुढील सहा महिन्यांत २० पॉलिक्लिनिक आणि डायग्नोस्टिक सेंटर यासह १४९ ठिकाणी बाळासाहेब ठाकरे दवाखाने सुरू करण्यात येतील.या दवाखान्यांमध्ये मोफत वैद्यकीय तपासणी,औषधोपचार,किरकोळ जखमांवर मलमपट्टी तसेच १५० प्रकारच्या चाचण्या मोफत केल्या जाणार आहेत.याशिवाय आवश्यकतेनुसार क्ष-किरण चाचणी (एक्स रे),सोनोग्राफी यांसारख्या चाचण्या पालिकेने निश्चित केलेल्या वैद्यकीय चाचणी केंद्रांमधून करण्यात येणार आहेत.