कामगिरी सुधारून राष्ट्रीय पक्षाचा दर्जा पुन्हा मिळविण्यात यशस्वी होऊ-प्रदेशाध्यक्ष जयंत पाटील यांचा विश्वास

मुंबई-पोलीस नायक (वृत्तसेवा):-

राष्ट्रवादी काँग्रेस पक्षाचा”राष्ट्रीय पक्षाचा दर्जा” निवडणूक आयोगाने रद्द केला आहे यावर अनेक राजकीय वर्तुळात प्रतिक्रिया उमटत आहेत.यात राष्ट्रवादी काँग्रेस पक्षाचे प्रदेशाध्यक्ष जयंत पाटील यांनी प्रतिक्रिया देतांना आयोगाच्या या निर्णयावर पक्षाची भूमिका मांडली आहे. यात आगामी निवडणुकांमध्ये आमची कामगिरी सुधारून राष्ट्रीय पक्षाचा दर्जा पुन्हा मिळविण्यात यशस्वी होऊ असा विश्वास त्यांनी व्यक्त केला आहे.ते आज ११ एप्रिल रोजी टीव्ही ९ मराठीला दिलेल्या प्रतिक्रियेत बोलत होते.

जयंत पाटील पुढे म्हणाले की,“राष्ट्रीय पक्षाचा दर्जा कोणत्या पक्षाकडे राहू शकतो याचे काही निकष असून गेल्या दोन वर्षात याबाबत सुनावणी करण्यात आली तेव्हा यावेळी आम्ही आमची बाजू मांडली होती परंतू आता हा निर्णय निवडणूक आयोगाने निर्णय दिला आहे.या देशातील कोणते पक्ष राष्ट्रीय पक्ष राहू शकतात याविषयीचे निकष प्रत्येक निवडणुकीत बदल होत असतात त्यामुळे आगामी काही राज्यांच्या निवडणुकांमध्ये आमची कामगिरी समाधानकारक झाल्यास हा दर्जा पुन्हा मिळू शकतो त्यामुळे त्यात मला फार अडचण वाटत नाही.