जहाजातून उंदीर जसे पळून जातात तसेच हे आमदार शिंदे सरकारला सोडून जातील-एकनाथराव खडसे यांचे भाष्य

शिंदे गटातील आमदारांच्या अस्वस्थतेबाबत भाष्य करताना एकनाथराव खडसे यांनी म्हणाले आहे की,मुख्यमंत्र्यांबरोबर अयोध्येला अनेक आमदार गेले नसून शिंदे गटाच्या आमदारांसह अपक्ष आमदारांमध्येही अस्वस्थता आहे.यात मंत्रिमंडळाचा विस्तार होत नसून मंत्रिमंडळाच्या विस्ताराचे गाजर नेहमी दाखवले जात आहे त्यामुळे आमदार बच्चू कडूंनी याबाबत अनेकदा विधान केलेली आहेत.तसेच आता मंत्रिमडळाचा विस्तार २०२४ च्या निवडणुका झाल्यानंतरच मंत्रीमडळ तयार होईल अशी उपरोधिक टीका बच्चू कडू यांनी केली आहे त्यामुळे या चर्चांना अधिकच बळ मिळत आहे.सदरील परिस्थितीमुळेच अनेक आमदार खासगीमध्ये बोलताना सरकारबाबत नाराजीची भावना व्यक्त करत आहेत त्यामुळे जेव्हा निवडणुकीच्या तारखा जाहीर होतील आणि कोर्टाचा निकाल लागेल तेव्हा जहाजातून उंदीर जसे पळून जातात तसेच हे सगळे आमदार हळुहळू शिंदे सरकारला सोडून जातील असे भाष्य एकनाथराव खडसे यांनी नुकतेच केले आहे.