“भाजपला एकहाती सत्ता शक्य नाही” शिंदे गटाचे खासदार गजानन कीर्तिकर यांचे भाकीत

यावेळी गजानन कीर्तिकर म्हणाले कि,आगामी विधानसभा निवडणुकीसाठी भाजप व एकनाथ शिंदे यांच्या नेतृत्वाखालील शिवसेनेचे जागावाटप २०१९ प्रमाणे असेल.२०१९ मध्ये युतीतील जागावाटपात भाजपला १६२ जागा व शिवसेनेला १२६ जागा सोडण्यात आल्या होत्या. २०१९ मध्येही असेच जागावाटप करण्यात आले होते.२०१९ मध्ये लोकसभा निवडणुकीच्या वेळी युतीत भाजपच्या वाटय़ाला २६ आणि शिवसेनेकडे २२ जागा होत्या.राज्यात भाजप कमकुवत आहे असे आम्ही म्हणणार नाही परंतु ते शिवसेनेपेक्षा मजबूत आहेत असेही आम्ही मान्य करणार नाही.भाजप प्रवेशासाठी शरद पवार यांच्या कुटुंबीयांवर दबाव असल्याच्या शिवसेना (उद्धव ठाकरे) नेते संजय राऊत यांनी केलेल्या दाव्याच्या संदर्भात कीर्तिकर म्हणाले,तसे नाही हो,राऊत यांच्या दाव्यावरून भारावून जाऊ नका.दूरचित्रवाणीच्या माध्यमातून संजय राऊत हे एक मनोरंजनाचे साधन बनलेले आहे.राऊत बोलतात व ते ऐकून तुम्ही मला प्रश्न विचारतात.शिंदे यांच्या नेतृत्वाखालील सरकार  राज्यात स्थापन झाल्यानंतर विरोधकांकडून होणारे आरोप आता जनता विसरली आहे.एकनाथ शिंदे ज्या पद्धतीने काम करतात त्या पद्धतीमुळे ते लोकनेतृत्वाच्या उच्च स्थानावर पोहोचलेले असून तेवढय़ाच उंचीवर पक्षसंघटना नेण्याचे काम ते करीत आहे असे कीर्तिकर यांनी म्हटले आहे.