“अहंकारी आणि स्वार्थी नेता देश चालवू शकत नाही”!अरविंद केजरीवाल यांची पंतप्रधान नरेंद्र मोदी यांच्यावर टीका

राज्य सरकारकडे असलेल्या प्रशासकीय विषय किंवा बाबींसाठी आवश्यक सनदी अधिकाऱ्यांच्या नियुक्त्या व बदल्या करण्याचा अधिकार राज्य सरकारला असल्याचा निर्णय सर्वोच्च न्यायालयाच्या पाच सदस्यीय घटनापीठाने ११ मे रोजी दिला होता.त्यानंतर आठच दिवसांत याविरोधात अध्यादेश जारी करून केंद्र सरकारने सनदी अधिकाऱ्यांच्या नियुक्त्या व बदल्यांचे अधिकार आपल्याकडेच ठेवले आहेत.हे अधिकार मिळविण्यासाठी दिल्ली राज्य सरकारने आठ वर्षे न्यायालयीन लढाई करूनही केंद्र सरकार अहंकारातून न्यायालयीन निर्णयाविरोधात भूमिका घेत आहे हे लोकशाही तत्त्वांविरोधातही असल्याची टीका केजरीवाल यांनी केली आहे.या अध्यादेशासंदर्भातील विधेयक संसदेत मांडले जाईल तेव्हा भाजपचे राज्यसभेत बहुमत नसल्याने तेथे ते अडविले जावे यासाठी केजरीवाल यांनी प्रयत्न सुरू केले आहेत त्यादृष्टीने देशभरातील विरोधी पक्षांचा पाठिंबा मिळविण्याचे केजरीवाल यांचे प्रयत्न असून त्यांनी ठाकरे यांची भेट घेऊन विरोधकांच्या भाजपविरोधातील ऐक्याबाबतही चर्चा केली यावेळी पंजाबचे मुख्यमंत्री भगवंत मान हेही त्यांच्याबरोबर होते.त्यानंतर केजरीवाल,मान आणि ठाकरे यांनी संयुक्त पत्रकार परिषद घेतली.केजरीवाल हे आज गुरुवारी राष्ट्रवादीचे अध्यक्ष शरद पवार यांची भेट घेणार आहेत.