शिंदे गटाच्या जाहिरातींना भाजप कार्यकर्त्यांकडून फलकबाजी करून प्रत्युत्तर

मुंबई-पोलीस नायक (वृत्तसेवा) :-

मुख्य मंत्री एकनाथ शिंदे हे उपमुख्यमंत्री देवेंद फडणवीस यांच्यापेक्षा अधिक लोकप्रिय असून ते पुन्हा मुख्यमंत्रीपदी यावेत यासाठी जनतेचा पाठिंबा असल्याच्या शिंदे गटाच्या प्रसिध्दीमाध्यमातील जाहिरातींना भाजप कार्यकर्त्यांनी मुंबईभर फलकबाजी करून चोख प्रत्युत्तर दिले आहे. माजी पंतप्रधान अटलबिहारी वाजपेयी यांच्या काव्यपंक्तीचा दाखला देत फडणवीस यांचे नेतृत्व कठीण प्रसंगाचा सामना करण्यासाठी मजबूत असल्याचे फलकबाजीतून अधोरेखित करण्यात आले आहे.विधानसभा निवडणुकीनंतर शिंदे पुन्हा मुख्यमंत्री व्हावेत असे २६.१ टक्के जनतेला वाटते तर फडणवीस मुख्यमंत्री व्हावेत असे २३.२ टक्के जनतेेला वाचते अशी जाहिरात शिंदे गटाने एका सर्वेक्षणाचा दाखला देवून दोन दिवसांपूर्वी केली त्यावरून भाजप नेते आणि कार्यकर्त्यांकडून संताप व्यक्त करण्यात आल्यावर खुलासा करणारी आणखी एक जाहिरात शिंदे गटाकडून प्रकाशित करण्यात आली.भाजप आणि शिंदे गटातील मतभेद चव्हाटावर आल्याने शिंदे गटाने नरमाईची भूमिका घेतली मात्र भाजप कार्यकर्त्यांची नाराजी अद्याप कायम असून वरिष्ठ नेत्यांच्या मूक पाठिंब्याने भाजप कार्यकर्त्यांनी शहरात फलकबाजी करून प्रत्युत्तर दिले आहे.