“संभाजी महाराज हत्येच्या कटात मुघल बादशहाबरोबर भारतातील हिंदू भटजीही”, प्रकाश आंबेडकर यांचे परखड मत

छत्रपती संभाजी महाराज यांच्या हत्येच्या कटात हिंदू भटजींचाही समावेश होता असे वक्तव्य वंचित बहुजन आघाडीचे प्रमुख प्रकाश आंबेडकर यांनी केले आहे.सध्या देशात जुन्या राजांची उदाहरणे देऊन समाजात दुफळी निर्माण करण्याचा प्रयत्न केला जात आहे परंतु ही खरी वस्तुस्थिती नाही अशी टीका प्रकाश आंबेडकर यांनी दिल्लीत प्रसारमाध्यमांशी बोलतांना केली आहे.संभाजी महाराजांच्या हत्येबद्दल प्रकाश आंबेडकर म्हणाले की,देशात सध्या जुन्या राजांचे उदाहरण देऊन समाजात दुफळी निर्माण केली जात आहे पण तशी वस्तुस्थिती नाही संभाजी महाराज हत्येच्या कटात मुघल बादशहाबरोबर भारतातील हिंदू भटजीही होते.हत्येच्या कटात त्यांचाही सहभाग होता यावर इतिहासकारांनी सविस्तर लिहायला हवे जेणेकरून देशात पुन्हा कुणी जयचंद येणार नाही देशाचे स्वातंत्र जाणार नाही.संभाजी महाराजांच्या हत्येत हिंदुंचाही समावेश होता असे तुम्हाला म्हणायचे आहे का? असे विचारले असता प्रकाश आंबेडकर म्हणाले की “अर्थ सरळ आहे.”संभाजी महाराजांच्या हत्येवर भाष्य करताना प्रकाश आंबेडकर म्हणाले की,“संभाजी महाराज संगमेश्वरावर येथे गुप्त मोहिमेवर होते असे मानायला हरकत नाही.या मोहिमेची माहिती औरंगाजेबपर्यंत कशी पोहोचली? हा सर्वात महत्त्वाचा प्रश्न आहे या देशात ज्या राजांचे स्वातंत्र राज्ये होती ती जयचंदांमुळे अस्ताला गेली. औरंगजेबाने संभाजी महाराजांना ज्याप्रकारे देहदंड दिला तो निंदनीय आहे त्याची आम्ही निंदा करतो पण संभाजी महाराजांना पकडून नेणारेही महत्त्वाचे आहेत.