“शिंदे गटातील आठ ते दहा आमदार ठाकरेंच्या संपर्कात” विनायक राऊत यांची स्पष्टोक्ती

अजित पवार आणि कंपनीने तिथे (शिंदे-भाजपा सरकारमध्ये) उडी मारली त्याचदिवशी शिंदे गटातील आमदारांनी चळवळ करायला सुरुवात केली आहे.त्यांचा होत असलेला उद्रेक आणि तो थांबवताना मुख्यमंत्री एकनाथ शिंदे यांची त्रेधातिरपीट पाहिल्यानंतर खूप दयनीय अवस्था झालेली आहे त्यानंतर आता खूप जणांनी आता आम्ही ज्या घरात होतो तेच बर आहे.आम्हाला पुन्हा एकदा मातोश्रीने साद घातली तर आम्ही नक्कीच त्याला सकारात्मक प्रतिसाद देऊ अशी वक्तव्य काही लोकांकडून आल्याचे मी पाहिले आहे.त्या उपरसुद्धा पश्चिम महाराष्ट्रात,उत्तर महाराष्ट्र,मराठवाड्यातील लोक म्हणताहेत जे होते तेच बरे आहे,पुनश्च एकदा मातोश्रीची क्षमा मागावी असे वाटते आहे अशी चर्चा चालू आहे असे विनायक राऊत म्हणाले.शिंदे गटात अस्वस्थता असल्याने बंडखोरी केलेले अनेक आमदार स्वगृही परतणार असल्याच्या चर्चा राजकीय वर्तुळात रंगल्या आहेत दरम्यान अशाप्रकारे आठ ते दहा आमदारांनी संपर्क साधल्याचा दावा विनायक राऊतांनी केला ते म्हणाले की,आठ ते दहा आमदारांनी गेल्या दोन दिवसांत प्रत्यक्ष अप्रत्यक्ष संपर्क साधला आहे.शिंदे गटातील आमदारांनी खरेच स्वगृही परतण्याचा निर्णय घेतला तर त्यांना पुन्हा घेणार का असा प्रश्न या निमित्ताने उपस्थित होत असून यावर विनायक राऊत म्हणाले की,त्यांना परत घेऊ नये या विचाराचे शिवसेनेचे पदाधिकारी आहेत परंतु यावर अंतिम निर्णय शिवसेनेचे पक्षप्रमुख उद्धव ठाकरे घेतील असे त्यांनी नमूद केले आहे.