जन्मत:च दोन्ही हातांनी अपंग असलेल्या गणेशचे आर्मीमध्ये भरती होण्याचे स्वप्न मुख्यमंत्र्यांच्या माणुसकीतून पूर्ण होणार !!

मुख्यमंत्री एकनाथ शिंदे यांच्या माणुसकीचे दर्शन महाराष्ट्राला पुन्हा एकदा झाले आहे.मुख्यमंत्री एकनाथ शिंदे यांनी आता एका नऊ वर्षांच्या चिमुकल्याची जबाबदारी घेतली असून नऊ वर्षांच्या या चिमुकल्याचे नाव गणेश आहे.तो पायांच्या बोटांनी लिहितो कारण त्याला जन्मतः दोन्ही हात नाहीत परंतु त्याचे स्वप्न आहे सैनात जाण्याचे ते पूर्ण करण्यासाठी मुख्यमंत्री एकनाथ शिंदे यांनी ही जबाबदारी स्वीकारली आहे.लवकरच गणेश या नऊ वर्षांच्या चिमुकल्याला कृत्रिम हात बसवण्यात येणार आहेत.नंदुरबार जिल्ह्यातल्या शहादा तालुक्यातील असलोद गावात राहणारा गणेश माळी वय-९ वर्ष हा इयत्ता ३ री मध्ये शिकतो आहे त्याला जन्मापासूनच दोन्ही हात नसलेल्या गणेशच्या कोवळ्या वयातही त्याचे शिक्षण आणि खेळातील अभिरुचीला त्याचा अपंगत्व थांबू शकले नाही.महाराष्ट्राचे मुख्यमंत्री एकनाथ शिंदेंच्या समोर गणेशने पायाने आपले पूर्ण नाव लिहून दाखवले त्यावेळी मुख्यमंत्री एकनाथ शिंदे यांच्याकडून आश्चर्य व्यक्त करण्यात आले व त्यांनी या मुलाच्या पुढील शिक्षणाची जबाबदारी स्वीकारत असल्याचे सांगत मदतीचा हात पुढे करून माणुसकीचे दर्शन घडवून आणले.त्यांच्या या निर्णयाचे राज्यभरातून कौतुक करण्यात येत आहे.