“मी शिवसेना प्रमुखांच्या मार्गाने चालणारा आहे त्यामुळे जशास तसे उत्तर देणारा”-उद्धव ठाकरे यांची स्पष्ट भूमिका

दि.२७ जुलै २३ गुरुवार

राज्यातील राजकीय समीकरणे मोठ्या प्रमाणात बदलली असून शिवसेना आणि राष्ट्रवादी काँग्रेसमधील फुटीनंतर एकेकाळचे विरोधक असलेले भाजपा-राष्ट्रवादी (अजित पवार गट) आणि शिवसेना (एकनाथ शिंदे गट) एकत्र येत सत्तेत सहभागी झाले आहेत या पार्श्वभूमीवर मागील अनेक दिवसांपासून मनसे प्रमुख राज ठाकरे आणि शिवसेना (ठाकरे गट) पक्षप्रमुख उद्धव ठाकरे एकत्र येणार का? याविषय तर्कवितर्क लावले जात आहेत.आता स्वतः उद्धव ठाकरेंनी यावर आपली भूमिका स्पष्ट केली ते आज दि.२७ जुलै गुरुवार रोजी खासदार व शिवसेनेचे मुखपत्र सामनाचे कार्यकारी संपादक संजय राऊत यांनी घेतलेल्या ‘आवाज कुणाचा’ या पॉडकास्टमध्ये बोलत होते.उद्धव ठाकरे म्हणाले की,मी आणि राज ठाकरे एकत्र येणार या चर्चेला आधार असता तर माध्यमांमधील चर्चा थांबली नसती चर्चा झाली आणि चर्चा थांबली ज्याने चर्चा करण्याचा प्रयत्न केला त्याला आधार मिळाला नाही त्यामुळे ती चर्चा थांबली असेल.असा प्रस्ताव आला तर? असा प्रश्न संजय राऊतांनी विचारला असता त्यावरही उद्धव ठाकरेंनी स्पष्ट भूमिका घेतली.मी प्रस्ताव आला तर गेला तर यावर विचार करत नाही.गेला तरी विचार करत नाही आणि आला तरी मी त्यावर विचार करत नाही.त्या क्षणाला काय असते त्याचा विचार करतो त्यामुळे आत्ता तरी तशी काही चर्चा नाही त्यामुळे त्यावर काही बोलण्याची आवश्यकता नाही असे मत उद्धव ठाकरेंनी व्यक्त केले आहे.