‘‘ती बैठक गुप्त नव्हती,कुटुंबातील कोणा व्यक्तीला भेटण्यात गैर काय’’-अजित पवार गुप्त भेटीवरून शरद पवार यांचा प्रतिप्रश्न

त्यावेळी त्यांना अजित पवार यांच्याशी कथित गुप्त भेटीबाबत विचारण्यात आले यावर ते म्हणाले की,अजित हा माझा पुतण्या आहे.पवार कुटुंबीयांतील मी वडीलधारा माणूस आहे त्यामुळे मला कोणी भेटायला यावे किंवा मी कोणाला भेटायला बोलावले हा चर्चेचा विषय असू शकत नाही.राष्ट्रवादीत फूट पडल्यानंतर अजित पवार आणि काही नेते भाजापबरोबर सत्तेत सहभागी झाले असले तरी आपण मूळ राष्ट्रवादी काँग्रेसला सोबत घेऊन काम करणार आहोत.भाजपशी सलगी करण्याचा प्रश्नच उद्भवत नाही.भाजपची विचारधारा आणि आमची विचारधारा वेगळी आहे त्यामुळे आपल्या भूमिकेत बदल होणार नाही असेही पवार यांनी स्पष्टपणे नमूद केले आहे.