अनेक उपकर रद्दसह अन्य मागण्यांसाठी परभणी महानगरपालिकेवर शिवसेनेतर्फे जनआक्रोश मोर्चा

शहरातील रस्त्यांसाठी आलेला ८० कोटी रुपयांचा निधी राज्य सरकारने हडप केला तसेच नाट्यगृहाच्या उर्वरित बांधकामासाठी १५ कोटींचा निधी मंजूर होऊनही सरकार सदर निधी देण्यास टाळाटाळ करीत असल्याचा आरोप करून मंजूर निधी तातडीने द्यावा,रमाई घरकुल योजनेची रक्कम अडीच लाखांवरून साडे तीन लाख रुपये करण्यात यावी,दुरवस्थेतील रस्त्यांची दुरुस्ती करावी,कल्याण मंडपम व बी.रघुनाथ सभागृहाची भाडेवाढ रद्द करावी,भूमिगत गटार योजनेचे काम सुरू करावे,दररोज शुद्ध व सुरळीत पाणीपुरवठा करण्यात यावा आदींसह विविध मागण्यांचा निवेदनात समावेश करण्यात आला होता.सदर मोर्चाला जिल्हा संपर्कप्रमुख आमदार रवींद्र वायकर,ज्योतीताई ठाकरे यांनी मार्गदर्शन केले.यावेळी परभणी विधानसभा संपर्क प्रमुख राजेश सकपाळ,डॉ.विवेक नावंदर,विशाल कदम,सुरेश ढगे,अतुल सरोदे यांच्यासह विविध संघटनांचे पदाधिकारी,व्यापारी,चळवळीतील कार्यकर्ते मोठ्या संख्येने सहभागी झाले होते.