“एकतर ती समिती रद्द करा नाहीतर मग राजीनामा द्या”-बच्चू कडूंचे छगन भुजबळ यांना आव्हान

यावेळी बच्चू कडू म्हणाले की,छगन भुजबळांनी इतके वर्षे राज्य केले त्यांनी कापण्यापेक्षा जोडता कसे येईल? याचा विचार केला पाहिजे. ओबीसी नेते तायवाडे त्यांनाही माझा इशारा आहे की,तुम्ही हातपाय कापा आम्ही जोडण्याचे काम करू.तुमची बुद्धी इतक्या खालच्या पातळीवर गेली असेल तर मी त्याचा निषेध करतो.तसेच तुम्ही तुमचे आरक्षण शांततेने मागावे.ओबीसीमध्ये मराठा घुसतोय असे काहीही नाही कारण कोकणातला,विदर्भातला मराठा कुणबी झाला पण चार-पाच जिल्ह्यातलाच मराठा कुणबी होत नाही त्यासाठीच गाजावाजा होत आहे हे सगळे राजकीय श्रेय घेण्याचे काम आहे.ज्यांचे काहीच राहिले नाही त्यांचे जातीच्या नावाने चांगभले आहे ते आता नळावरच्या भांडणासारखे  भांडायला लागले याचे मला नवल वाटत आहे.मराठा समाजाची कुणबी प्रमाणपत्र शोधण्यासाठी नियुक्त केलेली न्यायमूर्ती शिंदे यांची समिती बरखास्त करा या छगन भुजबळांच्या वक्तव्याबाबत विचारले असता बच्चू कडू म्हणाले की,छगन भुजबळ म्हणजे सरकार नाहीत.भुजबळ हे कॅबिनेट मंत्री आहेत त्यामुळे शिंदे समिती रद्द झाली नाही तर त्यांनी राजीनामा द्यावा.एकतर ती समिती रद्द करा नाहीतर मग राजीनामा द्या.