राज्य मागासवर्ग आयोगाच्या अध्यक्षांच्या राजीनाम्याबाबत फडणवीसांनी केले मागासवर्ग आयोगाच्या सदस्यांनाच लक्ष्य

देवेंद्र फडणवीसांनी मागासवर्ग आयोग व आरक्षणाच्या मुद्द्यावरून विरोधकांना लक्ष्य केले असून राज्य मागासवर्ग आयोग स्थापन झाला तेव्हाच्या तीन सत्ताधारी पक्षांनी आपल्या कार्यकर्त्यांना आयोगाचे सदस्य केले आहे.आमच्या काळातही आयोग तयार झाला होता परंतु आम्ही एकही कार्यकर्ता त्यावर घेतला नव्हता.आम्ही अभ्यासक नेमले होते असा आरोप देवेंद्र फडणवीसांनी केला आहे.बालाजी किल्लारीकर यांनी  राजीनामा दिल्यानंतर पहिली भेट शरद पवारांची घेतली कारण त्यांची नियुक्ती राष्ट्रवादीने आयोगावर केली होती.हा विभागच माझ्याकडे येत नाही त्यामुळे यासंदर्भात माझा दबाव असणे मी एखादा निर्णय करणे हा दावा चुकीचा आहे.काय सर्वे करावा,कसा सर्वे करावा हे आयोग ठरवते.माझ्याशी कधीही यासंदर्भात आयोगाची चर्चा झालेली नाही त्यामुळे हे राजकीय हेतूने प्रेरित विधान आहे असे फडणवीसांनी नमूद केले आहे.दरम्यान आयोगात अजूनही काही सदस्य मराठा आरक्षणाचा मुद्दा प्रलंबित ठेवण्यासाठी प्रयत्नशील असल्याचे फडणवीस म्हणाले.काही सदस्य राजीनामे देत आहेत.अजूनही एक-दोन सदस्य असे आहेत ज्यांचा असा डाव आहे की मराठा आरक्षणाचा विषय निकाली लागूच नये व  त्यांच्या पोलिटिकल मास्टर्सनी त्यांना सुपारी दिली आहे की कुठल्याही प्रकारे मराठा आरक्षणाचा विषय प्रलंबित ठेवा पण राज्य सरकारची भूमिका पक्की आहे असा दावा फडणवीसांनी केला.आयोगातील अशा राजकीय कार्यकर्त्यांच्या राजीनाम्यांनंतर त्यांच्या विधानांना कोणतेही महत्त्व नाही ते कोणतेही अभ्यासक नाहीत त्यामुळे मी त्याला कोणतेही महत्त्व देत नाही ते कुणाची स्क्रिप्ट वाचत आहेत हे सगळ्यांच्या लक्षात आले आहे असे म्हणत देवेंद्र फडणवीसांनी विरोधकांना लक्ष्य केले आहे.