निवडणूक आयोग खरोखर स्वतंत्र आणि निष्पक्ष आहे का? आदित्य ठाकरेंनी उपस्थित केला प्रश्न

दरम्यान निवडणूक आयोगाच्या या निर्णयावर वेगवेगळ्या राजकीय प्रतिक्रिया येऊ लागल्या आहेत.शिवसेनेच्या ठाकरे गटानेही या निर्णयावर नाराजी व्यक्त केली आहे.आमदार आदित्य ठाकरे यांनी एक्स या मायक्रोब्लॉगिंग प्लॅटफॉर्मवर एक पोस्ट केली आहे यामध्ये त्यांनी म्हटले आहे की,निवडणूक आयोगाने चोरांची चोरी वैध ठरवायला सुरुवात केली आहे अशा निर्णयांमुळे लोकशाही नष्ट होते तसेच निवडणूक आयोगाने पूर्णपणे तडजोड केलेली दिसतेय.आयोगाने पुन्हा एकदा लोकांची फसवणूक केल्याचे सिद्ध झाले आहे.देशात आता मुक्त आणि निष्पक्ष लोकशाही अस्तित्वात नाही ही गोष्ट आयोगाच्या निकालाने स्पष्ट केली आहे.यासह आदित्य यांनी प्रश्न उपस्थित केला आहे की,निवडणूक आयोग खरोखर स्वतंत्र आणि निष्पक्ष आहे का? त्यांनी पुन्हा एकदा दाखवून दिले आहे की,निवडणूक आयोगाने तडजोडी केल्या आहेत कारण ते तडजोड बहाद्दर आहेत.

याबाबत अजित पवार म्हणाले की,गेल्या वर्षी राज्यात राजकीय घडामोडी घडल्या यात कोणत्याही पक्षासंदर्भात घडामोडी घडल्यानंतर न्याय मागण्याची परंपरा आहे त्याप्रकारे आम्ही निवडणूक आयोगाकडे न्याय मागितला तिथे आम्ही आमचे म्हणणे मांडले,इतरांनीही त्यांचे म्हणणे मांडले त्यावर अनेक तारखा पडल्या,सुनावण्या झाल्या सर्व वकिलांचे म्हणणे जाणून घेतल्यानंतर लोकशाहीत बहुमताला प्राधान्य दिले जाते. आज राष्ट्रवादी काँग्रेस पक्ष व घड्याळ हे चिन्ह आणि पक्षाचा झेंडा या सर्व गोष्टी आम्हाला मिळाल्या आहेत.प्रफुल्ल पटेल,सुनील तटकरे,धर्मराव बाबा आत्रम,आदिती तटकरे यांच्याह ५० आमदारांनी घेतलेल्या निर्णयावर आज निवडणूक आयोगाने निकाल दिला आहे.हा निकाल मी विनम्रपणे स्वीकारतो तसेच निवडणूक आयोगाचेही आभार मानतो असे नमूद केले आहे.