“अशोक चव्हाणांना भाजपात घेऊन भाजपावाल्यांनी शहिदांचा तो अपमान धुवून काढला का?”

मुंबई-पोलीस नायक (वृत्तसेवा) :-

दि.३ फेब्रुवारी २४ मंगळवार

ज्येष्ठ नेते आणि माजी मुख्यमंत्री अशोक चव्हाण यांनी सोमवारी दि.१२ फेब्रुवारी काँग्रेसच्या प्राथमिक सदस्यत्वाचा आणि आमदारकीचा राजीनामा दिला.काँग्रेस पक्षासाठी हा सर्वात मोठा धक्का मानला जात आहे.राजीनाम्यानंतर चव्हाण कोणत्या पक्षात जाणार याबाबत त्यांनी स्पष्ट काहीच केले नव्हते.परंतु आज त्यांनी याबाबत महत्त्वाची प्रतिक्रिया दिली.चव्हाण म्हणाले,आज मी माझ्या राजकीय आयुष्याची पुन्हा एकदा नव्याने सुरुवात करत आहे.आज मी रितसर भाजपात प्रवेश करणार आहे.दरम्यान चव्हाण यांच्या भाजपा प्रवेशाबाबत वेगवेगळ्या राजकीय प्रतिक्रिया येत आहेत.शिवसेनेच्या ठाकरे गटातील राज्यसभा खासदार संजय राऊत यांनी यावरून प्रतिक्रिया देताना थेट पंतप्रधान नरेंद्र मोदी यांच्यावर निशाणा साधला आहे.संजय राऊत म्हणाले,आमच्यापुढे फार मोठा पेच निर्माण झाला आहे.पंतप्रधान नरेंद्र मोदी आता देशाला काय तोंड दाखवणार? असा प्रश्न आम्हाला पडला आहे कारण महाराष्ट्र भाजपाने मोदींच्या शिरपेचात खोटेपणाचा आणखी एक तुरा रोवला आहे. मोदी यांनी नांदेडला जाऊन कारगील युद्धात शहीद झालेल्या जवानांच्या कुटुंबीयांसाठी असलेल्या भूखंड प्रकरणात अशोक चव्हाणांनी कसा घोटाळा केला याची माहिती दिली होती.चव्हाणांनी शहिदांचा कसा अपमान केला हे स्वतः मोदी यांनी नांदेडला येऊन सांगितले होते तेच मोदी आता देशाला काय तोंड दाखवणार?