“मनोज जरांगे पाटील यांच्याशी काहीही देणे-घेणे नाही,मात्र त्यांच्या पाठीमागचा बोलवता धनी कोण ?”

मी जे काही केलय ते मराठा समाजाला माहिती आहे त्यामुळे मनोज जरांगे पाटील जे काही माझ्याबद्दल बोलले त्यानंतर मराठा समाज त्यांच्यामागे नाही,माझ्यामागे उभा राहिला आहे.दु:ख या गोष्टीचे आहे की,अशाप्रकारे कुणीही कुणाची आई-बहीण काढेल.आपण छत्रपती शिवाजी महाराजांचे नाव सांगतो.कल्याणच्या सुभेदाराच्या सुनेला परत पाठवणारे छत्रपती होते पण त्यांचे नाव घेऊन लोकांच्या आयाबहिणी काढायच्या ? पण माझी त्यांच्याविषयी तक्रारच नाहीये यामागे कोण आहे हे शोधावेच लागेल अशी सूचक प्रतिक्रिया देवेंद्र फडणवीसांनी दिली. दरम्यान,काँग्रेस आमदार बाळासाहेब थोरात यांनी आंतरवली सराटीमध्ये पहिल्यांदा झालेल्या लाठीचार्जवर भाष्य केल्यानंतर त्यावरूनही फडणवीसांनी टीका केली.दगडफेक करणारे सांगत आहेत की त्यांना दगडफेक करायला कुणी सांगितले! पोलिसांचा लाठीचार्ज महत्त्वाचा आहेच पण तो का झाला ? आता हे षडयंत्र बाहेर येत आहे.कशाप्रकारे रात्री जाऊन मनोज जरांगेंना परत आणणारे कोण आहेत ? त्यांच्या घरी जाऊन त्यांना भेटणारे कोण आहेत ? कुणाकडे बैठक झाली ते आरोपीच सांगत आहेत.दगडफेक करा असे सांगितल्याचे आरोपीच सांगत आहेत.पोलीस आपले नाहीयेत का ? असे सवाल फडणवीसांनी उपस्थित केले.

दुर्दैवाने आपण बीडची घटना विसरत आहोत हे आंदोलन शांततेने झालेले नाहीय.मराठा समाजाने काढलेले मोर्चे शांततेतच झाले होते पण यावेळी शांतता नव्हती.कुठल्या स्तराला आपले राजकारण चालले आहे ? त्यांचे फोटो कुणासोबत निघतायत ? कोण त्यांच्यासोबत होते ? हे सगळे बाहेर येतय अशाप्रकारे कुणी कुणीची आई-बहीण काढणार असेल तर या सभागृहाकडून अपेक्षा अशी आहे की त्यांनी संबंधित सदस्याच्या पाठिशी उभे राहायला हवे मग ते विरोधी पक्षाचे असो किंवा सत्ताधारी.विरोधकांच्या बाबतीत असे घडले तरी हा देवेंद्र फडणवीस त्यांच्यामागे ताकदीने उभा राहील असे देवेंद्र फडणवीस म्हणाले.यासंदर्भात एसआयटी उभी राहीलच पण मला मनोज जरांगे पाटील यांच्याशी काहीही देणे-घेणे नाही त्यांच्या पाठीमागचा बोलवता धनी कोण आहे ते समोर आले पाहिजे.काही लोक रोज ती स्क्रिप्ट बोलतात तीच स्क्रिप्ट त्यांच्याकडून येत आहे.वॉररूम कुणी कुठे उघडली याची माहिती आहे आमच्याकडे.आम्ही सगळी चौकशी करून हे षडयंत्र बाहेर काढले  जाईल असेही ते म्हणाले आहेत.