“पक्ष फोडणे म्हणजे हिंदुत्व नसून ही तुमची नालायकपणा सिद्ध करणारी वृत्ती आहे”

दरम्यान महाराष्ट्रातील उद्योगधंदे गुजरातमध्ये नेल्याच्या विरोधकांच्या टीकेला देवेंद्र फडणवीसांनी पाकिस्तानचा उल्लेख करत प्रत्युत्तर दिले होते त्यावरही उद्धव ठाकरेंनी तोंडसुख घेतले असून “काही दिवसांपूर्वी देवेंद्र फडणवीस म्हणाले की गुजरात म्हणजे काही पाकिस्तान नाही.गुजरात आमचाच आहे पण देवेंद्रजी गुजरात म्हणजे पाकिस्तान नसेल तर मग महाराष्ट्र म्हणजे काय पाकिस्तान आहे का? असे उद्धव ठाकरे म्हणाले.हे फक्त पक्ष फोडतायत पण पक्ष फोडणे म्हणजे हिंदुत्व नसून ही तुमची नालायकपणा सिद्ध करणारी वृत्ती आहे कारण तुम्ही आजपर्यंत काहीच केले नाही.आजही माझे आव्हान आहे त्यांना की लोकसभेबरोबर महापालिका आणि विधानसभेचीही निवडणूक घ्या.एकदाच काय तो तुमचा खात्मा करून टाकतो.तुम्हालाही त्रास नाही आणि आम्हालाही त्रास नाही.वन नेशन,वन इलेक्शन घ्या.एकदाच काय तो तुमचा फडशा पाडून टाकतो.दोन वर्षं झाल्यानंतरही महापालिका निवडणुका घेण्याची यांची हिंमत नाहीय असे आव्हान यावेळी उद्धव ठाकरेंनी सत्ताधाऱ्यांना दिले.

दरम्यान कोस्टल रोड हे शिवसेनेचे स्वप्न होते असे उद्धव ठाकरेंनी ठामपणे सांगितले.कोस्टल रोड हे आपले शिवसेनेचे स्वप्न आहे ते आपण महापालिकेने पूर्ण केले आहे.त्यात मिंध्यांनी काहीही केलेले नाही.देवेंद्र फडणवीसांचे तर सोडूनच द्या आणि पंतप्रधानांचा तर त्याच्याशी दुरान्वयानेही संबंध नाही.आता त्याच्या अर्धवट रस्त्याचे उद्घाटन करत आहेत.एकच मार्गिका खुली करत आहेत.कशाला घाई करताय ? श्रेय घेण्यासाठी हे चालू आहे असे ते म्हणाले.मला भाडोत्री जनता पक्षाला सांगायचंय,आजपर्यंत तुम्ही आमची मैत्री पाहिली.आता जरा मशालीची धग बघा तुमच्या खुर्चीचे बुड कसे जाळून टाकते ती असे खोचक आव्हानही उद्धव ठाकरेंनी यावेळी दिलं.