रक्षा खडसेंचे तिकीट ऐनवेळी बदलणार ? अजितदादा गटाच्या नेत्याच्या सूचक विधानाने खळबळ

दरम्यान रावेर मतदारसंघात रक्षा खडसे यांना उमेदवारी मिळाल्यानंतर भाजपच्या अनेक पदाधिकारी कार्यकर्त्यांमध्ये नाराजी आहे व त्यामुळे रक्षा खडसे यांचे तिकीट ऐनवेळी रद्द होणार असल्याच्या चर्चा सुरू आहेत.या चर्चेवर राष्ट्रवादी काँग्रेस अजित पवार गटाचे जिल्हाध्यक्ष संजय पवार यांनी सूचक संकेत दिले आहेत.रावेर लोकसभा मतदारसंघात भाजपच्या पदाधिकाऱ्यांमध्ये बरीचशी नाराजी आणि कुजबूज यामुळे हालचाली सुरू आहे त्यामुळे काय होऊ शकते आणि काय होऊ शकत नाही हे सांगता येणार नाही.रावेरमध्ये उमेदवार बदलणार असल्याच्या प्रश्नावर संजय पवार म्हणाले,काय होईल ते काहीच सांगता येत नाही.गेल्यावेळी प्रचार करत असतांना स्मिता वाघ यांचे तिकीट कापण्यात आले होते मात्र यंदा त्यांचे तिकीट कापले जाणार नाही व त्या उमेदवार म्हणून कायम राहतील.मात्र रावेर लोकसभा मतदारसंघात काय होईल ते काही सांगता येत नाही असे म्हणत संजय पवार यांनी सूचक संकेत दिले आहेत.त्यामुळे रावेरमध्ये रक्षा खडसे यांची उमेदवारी ऐनवेळी रद्द होते की काय ? याबाबत आता संजय पवार यांच्या वक्तव्यामुळे राजकीय चर्चांना उधाण आले आहे.