घाटकोपर होर्डिंग दुर्घटनेतील मृतांची संख्या १७ !! चौकशीसाठी मुंबई पोलिसांच्या गुन्हे शाखेकडून एसआयटी स्थापना !!

मुंबई-पोलीस नायक (वृत्तसेवा) :-

दि.२२ मे २४ बुधवार

दि.१३ मे रोजी मुंबईत झालेल्या बेमोसमी पावसामुळे आणि प्रचंड वादळी वाऱ्यांमुळे घाटकोपरचे महाकाय होर्डिंग कोसळून १६ जणांचा बळी गेला.तर ही संख्या आता १७ वर पोहचली आहे कारण या घटनेतील आणखी एका जखमी व्यक्तीचा मृत्यू झाला आहे.या अपघातातील जखमींची संख्या ७३ झाली आहे तसेच या प्रकरणात एसआयटी चौकशी करण्यात येणार आहे.घाटकोपर पूर्व द्रुतगती मार्गावर १२० बाय १२० स्क्वेअरफुटांचे महाकाय होर्डिंग लावण्यात आले होते व या जाहिरातीच्या होर्डिंगच्या मंजुरीवरून आरोप-प्रत्यारोप करण्यात आले.परंतु कोसळलेल्या या फलकाखाली अनेक गाड्या दबल्या होत्या.जवळच पेट्रोल पंप असल्याने तिथे बचावकार्यास अडचणी येत होत्या त्यामुळे गेल्या ४८ हून अधिक तास तिथे बचावकार्य चालले होते.गॅस कटरच्या सहय्याने हे होर्डिंग काढण्यात आले त्यानंतर होर्डिंगखाली दबलेल्या गाड्या बाहेर काढण्यात आल्या त्यापैकी एका कारमध्ये दोन मृतदेह सापडले आहेत.एनडीआरएफकडून हे प्रयत्न सुरू असतांना त्यांनी आधीच मृतांची संख्या वाढणार असल्याचे सूचित केले होते त्यानुसार १६ तारखेला उशिरा दोघांचे मृतदेह बाहेर काढण्यात आले त्यामुळे एकूण मृतांची संख्या १६ झाली होती आता आज मिळालेल्या माहितीनुसार या घटनेतील मृतांची संख्या १७ झाली आहे तर ७३ जण जखमी आहेत.