लोकसभा निवडणूक निकालावर मंथन करण्यासाठी योगी आदित्यनाथ सरसंघचालक मोहन भागवतांची भेट घेणार !!

उत्तरप्रदेश-पोलीस नायक (वृत्तसेवा) :-

दि.१४ जून २४ शुक्रवार

लोकसभा निवडणूक निकालांनंतर उत्तर प्रदेशचे मुख्यमंत्री योगी आदित्यनाथ सरसंघचालक मोहन भागवत यांची भेट घेणार असून ही भेट गोरखपूरमध्ये होणार आहे.२०१४ मध्ये भाजपाने २८२ जागा जिंकल्या होत्या तर २०१९ मध्ये ३०३ झाली होती.मात्र २०२४ च्या लोकसभा निवडणुकींत भाजपाचे २४० खासदारच निवडून आले.महाराष्ट्र आणि उत्तर प्रदेश या दोन राज्यांमध्ये सर्वात मोठा फटका भाजपाला बसला.या संबंधी दोघांमध्ये चर्चा आणि वैचारिक मंथन होण्याची चिन्ह दिसत आहेत.योगी आदित्यनाथ आणि मोहन भागवत यांच्यात चर्चा होणार आहे. योगी आदित्यनाथ आणि सरसंघचालक मोहन भागवत यांच्या भेटी दरम्यान निवडणूक निकालांमध्ये काय घडले ? पुढची रणनीती कशी असेल? या सगळ्याबाबत बातचीत होऊ शकते.गोरखपूरमध्ये ३ जुलैपासून प्रशिक्षण वर्ग सुरु होणार आहे.२८० स्वयंसेवक यामध्ये सहभागी होणार  आहेत.निवडणूक निकाल लागल्यानंतर मोहन भागवत यांनी चिमटे काढत,मणिपूरचा प्रश्न निकाली लावा सांगत महत्त्वाचे सल्ले दिले आहेत. दुसरीकडे गोरखपूरच्या प्रशिक्षण वर्गात मोहन भागवत काय बोलणार हे पाहणेही महत्त्वाचे असणार आहे.संघ विस्तार कसा होईल ? राजकीय घटना काय ? या सगळ्यांबाबतही मंथन होईल अशी चिन्ह आहेत त्यामुळे आता या भेटीदरम्यान काय होते ते पाहणे महत्त्वाचे असणार आहे.इंडिया टुडेने हे वृत्त दिले आहे.