“गरज पडल्यास अपक्षांना बरोबर घेऊन सरकार स्थापन करू” !! निकालाआधीच सत्ता स्थापनेबाबत शिंदे गटाच्या नेत्याचे मोठे विधान !!

मुंबई-पोलीस नायक (वृत्तसेवा) :-

दि.२२ नोव्हेंबर २४ शुक्रवार

राज्यात गेल्या काही दिवसांपासून निवडणुकीची रणधुमाळी सुरु असून या निवडणुकीसाठी २० नोव्हेंबर रोजी मतदान पार पडले व आता या निवडणुकीचा निकाल उद्या २३ नोव्हेंबर रोजी जाहीर होणार आहे त्यामुळे या निकालाकडे जनतेचे लक्ष लागले आहे.राज्यात कोणाचे सरकार येणार ? महाविकास आघाडी की महायुती ? हे निकालानंतर स्पष्ट होणार आहे.२० नोव्हेंबर रोजी मतदान झाल्यानंतर एक्झिट पोलचे अंदाज समोर आले व यामध्ये काही एक्झिट पोलच्या अंदाजानुसार राज्यात महायुतीला जास्त जागा मिळतील असा अंदाज व्यक्त करण्यात आला आहे त्यामुळे आता २३ नोव्हेंबर रोजी लागणाऱ्या निकालाकडे अनेकांचे लक्ष लागले आहे.अद्याप निकालाला एक दिवस बाकी असतानाच राजकीय नेत्यांकडून सरकार स्थापनेबाबात दावे करण्यात येत आहेत.काही एक्झिट पोलच्या अंदाजानुसार राज्यात महायुती किंवा महाविकास आघाडीला अपक्षांना बरोबर घेतल्याशिवाय सरकार स्थापन करता येणार नाही असा अंदाज वर्तवलेला आहे त्यामुळे या निवडणुकीत किती अपक्ष उमेदवार निवडून येतात ? आणि ते कोणाला साथ देतात ? हे देखील महत्वाचे असणार आहे पण या पार्श्वभूमीवर बोलताना आता शिवसेना शिंदे गटाचे नेते तथा मंत्री दीपक केसरकर यांनी निकालाच्या आधीच सत्ता स्थापनेबाबत मोठे विधान केले आहे.“गरज पडल्यास अपक्षांना बरोबर घेऊन सरकार स्थापन करू” असे दीपक केसरकर यांनी म्हटले आहे त्यांच्या या विधानानंतर राजकीय वर्तुळात विविध चर्चा रंगल्या आहेत.