“मुख्यमंत्री पदाचा निर्णय महाराष्ट्रातच घेणार” !! संजय राऊत थेट इशारा

मुंबई-पोलीस नायक (वृत्तसेवा) :-

दि.२२ नोव्हेंबर २४ शुक्रवार

राज्यात मतदानानंंतर राजकीय घडामोडींना वेग आला असून अपक्ष आणि इतर लहान पक्षांशी संपर्क साधण्यास सुरुवात झाली असून आपल्या संभाव्य विजयी आमदारांना मुंबईत राहण्याची सोय करण्याकरता हॉटेल्सही बुक केली जात आहेत.दरम्यान एक्झिट पोल्सननुसार महायुतीचे सरकार येण्याची शक्यता असली तरीही हे फक्त अंदाज आहेत त्यामुळे योग्य निकाल उद्या २३ नोव्हेंबरलाच स्पष्ट होणार आहे.दरम्यान सरकार कोणाचे स्थापन होणार ? यापेक्षाही मुख्यमंत्री कोण होणार ? यावरच अधिक चर्चा होत आहे यावर शिवसेना (उद्धव ठाकरे) पक्षाचे प्रवक्ते आणि राज्यसभा खासदार संजय राऊत यांनी महत्त्वाचे भाष्य केले आहे ते आज माध्यमांशी बोलत होते.महाविकास आघाडीचे सरकार आले तर मुख्यमंत्री पदाचा निर्णय मुंबईतून होणार की दिल्लीत ? असा प्रश्न त्यांना आज विचारण्यात आला त्यावर ते म्हणाले मुख्यमंत्री पदाचा निर्णय महाराष्ट्रातच होईल.काँग्रेसचे प्रमुख नेते दिल्लीतून महाराष्ट्रात येतील त्यांना मँडेट घेऊनच येथे यावे लागेल.शरद पवार मुंबईत असतात,उद्धव ठाकरेही मुंबईतच आहेत.आम्ही कोणताही वेळ न घालवता निर्णय घेऊ.नाहीतर भाजपाचे लोक आमच्या हातातील ताट खेचायचा प्रयत्न करतील एवढे ते निर्घृण लोक आहेत असे संजय राऊत म्हणाले.