‘या’ ३५ बंडखोरांनी महायुती-मविआची चिंता वाढवली !! निवडणुकीच्या निकालावर परिणाम होणार ? !!

आघाडी व युती बहुमतापर्यंत पोहोचू शकली नाही तर दोन्ही बाजूचे पक्ष अपक्षांना व छोट्या पक्षांना आपल्याबरोबर घेऊन सत्तास्थापन करण्याचा प्रयत्न करतील व या काळात बंडखोरांचा भाव वधारलेला दिसेल.निवडून येण्याची क्षमता असलेल्या अपक्ष उमेदवारांपैकी बहुसंख्य उमेदवार हे वेगवेगळ्या पक्षांमधील बंडखोर आहेत त्यांच्या पक्षाकडून,युती किंवा आघाडीकडून उमेदवारी न मिळाल्यामुळे या उमेदवारांनी पक्षाविरोधात जाऊन बंडखोरी करत अपक्ष उमेदवारी अर्ज दाखल केले आहेत. राज्यातील सहाही प्रमुख पक्षांचे बंडखोर उमेदवार वेगवेगळ्या मतदारसंघांमधून निवडणुकीच्या रिंगणात आहेत.काही मतदारसंघांमध्ये मविआ व महायुतीच्या दोन-दोन उमेदवारांमध्ये मैत्रीपूर्ण लढती देखील होत आहेत.

राज्यात १५० हून अधिक बंडखोर निवडणुकीच्या रिंगणात

राज्यात निवडणुकीच्या रिंगणात उतरलेल्या एकूण उमेदवारांमध्ये तब्बल २,०८६ अपक्ष आहेत यामध्ये १५० हून अधिक मतदारसंघात बंडखोर रिंगणात आहेत यापैकी ३५ बंडखोर उमेदवार असे आहेत जे निवडणूक जिंकू शकतात.

या ३५ बंडखोरांपैकी किती उमेदवार जिंकतात व या बंडखोरांचा कोणाला फटका बसणार तसेच बंडखोरांमुळे त्यांच्या पक्षाचे (बंडखोरीआधी ते ज्या पक्षात होते) किंवा त्यांच्या मित्रपक्षांचे किती उमेदवार पडतात याकडे सर्वाचे लक्ष लागले आहे.