पहाटेच्या शपथविधीला आज पाच वर्षं पूर्ण !! निकालाच्या दिवशी ‘त्या’ राजकीय सत्तानाट्याची चर्चा !!

परंतु पुरेसे संख्याबळ नसल्याने भाजपाने आमंत्रण स्वीकारले नाही त्यानंतर राज्यपालांनी दुसऱ्या क्रमाकांचा पक्ष ठरलेल्या शिवसेनेला सत्तास्थापनेचे आमंत्रण दिले त्यानुसार शिवसेनेने सत्तास्थापनेचा दावा केला पण बहुमत सिद्ध करण्याकरता वेळ मागितला.हा वेळ राज्यपालांनी नाकारला त्यानंतर त्यांनी राष्ट्रवादी काँग्रेस पक्षाला सत्तास्थापनेसाठी निमंत्रण दिले व त्यांनाही रात्री आठ पर्यंतची वेळ दिली होती.त्याचवेळी राज्यात तत्कालीन राज्यपाल भगतसिंग कोश्यारी यांनी राष्ट्रपती राजवट लागू करण्याकरता तत्कालीन राष्ट्रपती रामनाथ कोविंद यांना शिफारस केली.यावर रामनाथ कोविंद यांनी स्वाक्षरी करून राज्यात १२ नोव्हेंबर २०१९ रोजी राष्ट्रपती राजवट लागू केली.या मधल्या काळात सर्व पक्षीयांची जुळवाजुळव सुरू होती.दुसरीकडे शिवसेनेने भाजपाबरोबरचे संवादाचे दोर कापून टाकले होते त्यामुळे राज्यात नेमकी कोणाची सत्ता येणार ? या प्रश्नाची उकल होत नव्हती.राज्यातील राजकारण अधांतरी सुरू होते.त्याचकाळात महाविकास आघाडीच्या निमित्ताने एका नव्या समीकरणाची जुळवाजुळव सुरू झाल्याची चर्चा होती.२२ नोव्हेंबर २०१९ ला सायंकाळपर्यंत उद्धव ठाकरे हे काँग्रेस,राष्ट्रवादी आणि शिवसेना या आघीडीचे मुख्यमंत्री होणार हे निश्चित झाले होते तेव्हा २३ तारखेच्या दिवशी राज्यपालांकडे जाणे आणि सत्ता स्थापनेसाठी दावा करणे ही औपचारिकता बाकी होती व असेच चित्र असतांना २३ तारखेला सकाळी राजकीय भूकंप झाला.या राजकीय भूकंपात भाजपाचे देवेंद्र फडणवीस यांनी मुख्यमंत्री पदाची आणि राष्ट्रवादीच्या अजित पवारांनी उपमुख्यमंत्री पदाची राजभवनात जाऊन शपथ घेतली.

देवेंद्र फडणवीस आणि अजित पवारांचा पहाटेचा शपथविधी

२३ ऑक्टोबर २०१९ ची ही सकाळ राज्यातील प्रत्येक नागरिकासाठी धक्कादायक होती.अत्यंत गोंधळाच्या स्थितीत निर्माण झालेले हे सरकार अल्पावधित कोसळले कारण राष्ट्रवादी काँग्रेसच्या आमदारांनी या नव्या सरकारला पाठिंबा देण्यास विरोध केला.यामध्ये शरद पवारांचा हात होता.अजित पवार आणि देवेंद्र फडणवीसांच्या या नव्या सरकारला बहुमत स्पष्ट करता न आल्याने त्यांचे सरकार अवघ्या ८० तासांत कोसळले त्यानंतर शिवसेना,काँग्रेस,राष्ट्रवादी महाविकास आघाडीने सत्ता स्थापन केली. एवढेच नव्हे तर देवेंद्र फडणवीसांच्या मंत्रिमंडळात उपमुख्यमंत्री पदाची शपथ घेतलेल्या अजित पवारांनी उद्धव ठाकरेंच्या मंत्रिमंडळातही उपमुख्यमंत्री पदाची शपथ घेतली म्हणजेच ८० तासांचे सरकार कोसळल्यानंतर ते पुन्हा शरद पवारांकडे गेले अन पुन्हा सरकारमध्ये सामील झाले.सकाळी ८ वाजता झालेल्या या ‘पहाटेच्या शपथविधी’ला आज बरोबर पाच वर्षे पूर्ण होत आहेत.याचबरोबर पाच वर्षांनी पुन्हा राज्यात निवडणुकीचा निकाल लागणार आहे.सध्याचे राजकीय समीकरण २०१९ पेक्षाही फार वेगळे आहे.महायुती विरुद्ध महाविकास आघाडीच्या या लढतीत कोण जिंकणार याकडे लक्ष असतानाही पुन्हा राज्यात नवं समीकरण पाहायला मिळणार का अशीही दबक्या आवाजात चर्चा आहे त्यामुळे २०१९ प्रमाणेच २०२४ लाही काही वेगळे घडतय का हे पाहणे महत्त्वाचे ठरेल.