“अमेरिकेने महान व्यक्तीची काय किंमत केली पाहा” !! खासदार अरविंद सावंत यांचे टीकास्त्र !!

भारत व पंतप्रधान नरेंद्र मोदींबद्दल डोनाल्ड ट्रम्प काय म्हणाले?

भारताबद्दल अमेरिकेचे अध्यक्ष डोनाल्ड ट्रम्प म्हणाले,“नवी दिल्ली आपल्याकडून खूप आयात शुल्क आकारत आहे.” या शुल्काबाबत ट्रम्प यांनी ‘खूप कठोर कर आकारणी’ असा उल्लेख केला आहे.ट्रम्प म्हणाले,“त्यांचे (भारत) पंतप्रधान अलीकडेच अमिरेकेला आले होते ते माझे खूप चांगले मित्र आहेत.मी त्यांना म्हणालो,की तुम्ही माझे चांगले मित्र आहात परंतु तुम्ही आमच्याबरोबर योग्य व्यवहार करत नाही.भारत आमच्याकडून ५२ टक्के आयात शुल्क आकारतो त्यामुळे आम्ही त्यांच्याकडून अर्धं आयात शुल्क म्हणजेच २६ टक्के शुल्क घेणार आहोत हा निर्णय घेणे  खूप कठीण होता.

अमेरिकेने आयात शुल्काचे दर बदलले?

एकीकडे ट्रम्प यांनी भारताकडून २६ टक्के आयात शुल्क आकारण्याबाबत वक्तव्य केले आहे तर व्हाइट हाऊसने सरकारच्या अधिकृत दस्तऐवजांमध्ये भारताकडून २७ टक्के आयात शुल्क आकारण्याबाबतचा उल्लेख केला आहे त्यामुळे ट्रम्प यांच्याकडून चुकून २६ टक्के उल्लेख झाला असावा असेही म्हटले जात आहे.मात्र इतर काही देशांकडून आकारल्या जाणाऱ्या आयात शुल्कातही बदल केल्याचे समोर आले आहे त्यामुळे व्हाइट हाऊसने आयात शुल्कात बदल केल्याचे स्पष्ट आहे.अमेरिकेने भारताव्यतिरिक्त दक्षिण कोरिया,थायलंड,म्यानमार या देशांवरही आयात शुल्क लागू केले आहे.

भारतासह इतरही काही देशांवर लागू केलेल्या आयात शुल्कात व्हाइट हाऊसने बदल केला आहे.या देशांची यादी खालीलप्रमाणे…

“महान व्यक्तीची अमेरिकेने काय किंमत केली पाहा”, ट्रम्प यांनी व्यापार कर लागू करताच ठाकरे गटाचा पंतप्रधानांना टोला

अमेरिकेचे राष्ट्राध्यक्ष डोनाल्ड ट्रम्प यांनी आज देशभरातील अनेक देशांवर व्यापार कर लादण्याची घोषणा केली आहे.ज्या देशांवर अमेरिकेने व्यापार कर लादण्याचा निर्णय घेतला आहे त्यामध्ये भारतासारख्या मेत्रीपूर्ण संबंध असलेल्या देशासह चीनसारख्या कटू संबंध असलेल्या देशाचाही समावेश आहे.ट्रम्प यांच्या घोषणेनंतर भारतातून अमेरिकेत आयात होणाऱ्या वस्तूंवर २६% व्यापार कर भरावा लागणार आहे तर चीनच्या वस्तूंवर ३४% शुल्क आकारले जाईल.दरम्यान अमेरिकेने कंबोडियातून आयात होणाऱ्या वस्तूंवर सर्वाधिक ४९% व्यापार कर लागू करण्याची घोषणा केली आहे.दरम्यान डोनाल्ड ट्रम्प यांनी भारतावर २६% व्यापार कर लागू केल्यानंतर काँग्रेससह विरोधी पक्षांनी पंतप्रधान नरेंद्र मोदी आणि भाजपा सरकारला लक्ष्य केले आहे यामध्ये शिवसेनेचे (उद्धव ठाकरे) खासदार अरविंद सावंत यांचाही समावेश आहे.सावंत यांनी एएनआय या वृत्तसंस्थेशी बोलताना,“अमेरिकेने महान व्यक्तीची काय किंमत केली पाहा” असे म्हटले आहे.

महान व्यक्तीची किंमत…

अमेरिकेने भारतावर २६% व्यापार कर लादल्यानंतर शिवसेना (उद्धव ठाकरे) खासदार अरविंद सावंत म्हणाले,“डोनाल्ड ट्रम्प यांनी ‘महान व्यक्ती’ म्हटले की इकडे ढोल वाजवायला सुरुवात होते.अमेरिकेने ‘महान व्यक्ती’ची काय कमी केले आहे ते पहा.परराष्ट्र मंत्रीपदी जयशंकर यांच्यासारखी एक तज्ञ व्यक्ती असूनही अमेरिका वारंवार आपली थट्टा करत आहे.युरोपातील छोटे छोटे देश पहा ते स्वाभीमानाने अमेरिकेच्या विरोधात कशी भूमिका घेत आहेत.”

“पंतप्रधान मोदींनी नुकतेच अमेरिकेला भेट दिली यावेळी आमच्यात खूप चांगल्या चर्चा झाल्या.आमचे कायमच मैत्रिपूर्ण संबंध राहिले आहेत.ते माझे चांगले मित्र आणि खूप हुशार व्यक्ती आहेत.तुमचे पंतप्रधान महान आहेत पण भारत हा जगातील सर्वात जास्त कर आकारणारा देश आहे” असे ट्रम्प यांनी काही दिवसांपूर्वी म्हटले होते. आज खासदार अरविंद सावंत यांनी ट्रम्प यांच्या याच वाक्याचा संदर्भ देत पंतप्रधान नरेंद्र मोदी यांच्यावर टीका केली.अमेरिकेने आता त्यांच्या वस्तूंवर इतर देश जितका कर आकारतात तितकाच कर त्यांच्या वस्तूंवर आकारण्याच्या निर्णय घेतला आहे त्यामुळे अमेरिकेचे अनेक देशांबरोबर संबंध ताणले केले आहेत.