पेट्रोलियम आणि नैसर्गिक वायू समिती अध्यक्षपदी सुनील तटकरे यांची निवड झाल्याबद्दल राष्ट्रवादी काँग्रेस पार्टी उरण तालुकातर्फे सत्कार

विठ्ठल ममताबादे,पोलीस नायक

रायगड-जिल्हा (प्रतिनिधी) :-

दि.२९ सप्टेंबर २४ रविवार

आर्थिक विकासात मोठा वाटा असलेल्या देशाच्या संसदीय पेट्रोलियम आणि नैसर्गिक वायू समितीच्या अध्यक्षपदी खासदार सुनील तटकरे यांची निवड झाल्याबद्दल राष्ट्रवादी काँग्रेस पार्टी उरण तालुकातर्फे खासदार तटकरे यांचा नुकताच सत्कार करण्यात आला.उरण तालुक्याचे अध्यक्ष परीक्षित ठाकूर यांनी खासदार सुनील तटकरे यांना पुष्पगुच्छ देऊन त्यांचे स्वागत केले.

महाराष्ट्राची उद्योग भरारी या कार्यक्रम प्रसंगी खासदार सुनील तटकरे हे स्व.दि.बा.पाटील भूमिपुत्र भवन,सेक्टर १९ ब,उलवा नोड (बामण डोंगरी )नवी मुंबई येथे आले होते त्यावेळी त्यांचा सत्कार करण्यात आला.यावेळी राष्ट्रवादी काँग्रेस पक्षाचे (अजित दादा गट )उरण विधानसभा अध्यक्ष तथा माजी जिल्हा परिषद सदस्य वैजनाथ ठाकूर,उरण तालुका अध्यक्ष परीक्षित ठाकूर,उरण तालुका युवा अध्यक्ष समत भोंगले,उरण तालुका सरचिटणीस दिनेश पाटील,उरण तालुका उपाध्यक्ष राष्ट्रवादी युवक काँग्रेस अमित साहू,स्वप्नील कुंभार,दीपराज ठाकूर,भूषण ठाकूर आदी पदाधिकारी कार्यकर्ते उपस्थित होते.कमिटीवर समितीच्या अध्यक्षपदी निवड झाल्याबद्दल खासदार सुनील तटकरे यांचे देशभरातून अभिनंदन होत आहे.ही त्यांच्यासाठी आणि महाराष्ट्रासाठी विशेषतः रायगड आणि कोकणासाठी अभिमानाची बाब आहे.सर्वसामान्य जनतेचे उत्तम व आदर्श नेतृत्व म्हणून जनता,नागरिक खासदार तटकरे साहेबांकडे बघते त्यांच्या या निवडीमुळे कोकणाला खरा न्याय मिळाला आहे असे मत उरण तालुका अध्यक्ष परीक्षित ठाकूर यांनी व्यक्त केले.