दरम्यान कॅनडाने कोणत्याही पुराव्यांशिवाय केलेल्या आरोपांवर भारताने कुठल्याही प्रकारची प्रतिक्रिया दिलेली नाही.यापूर्वी कॅनडाने भारतीय उच्चायुक्त संजय कुमार वर्मा यांच्यावरही अशाच प्रकारचे आरोप केले होते तेव्हा भारताने कॅनडाच्या आरोपांचे खंडन केले होते.रॉयटर्सने दिलेल्या वृत्तानुसार,मंगळवारी कॅनडा सरकारने आरोप केले की कॅनडामधील शीख फुटीरतावाद्यांना लक्ष्य करण्याच्या प्रकरणात अमित शाह यांचाही सहभाग आहे.शीख फुटीरतावाद्यांविरोधातील हिंसक घटनांमागे शाह यांचा हात असल्याचे कॅनडाने म्हटले आहे.सर्वप्रथम वॉशिंग्टन पोस्टने एक वृत्त प्रसिद्ध केले होते की कॅनडा सरकारचे आरोप आहेत की शीख फुटीरतावाद्यांविरोधात कॅनडात झालेल्या हिंसाचाराच्या प्रकरणांमध्ये अमित शाह यांचाही सहभाग आहे.रॉयटर्सच्या वृत्तानुसार कॅनडाचे उप परराष्ट्रमंत्री डेव्हिड मॉरिसन यांनी संसदीय समितीला सांगितले की शीख फुटीरतावाद्यांविरोधातील हिंसेमागे अमित शाह आहेत.मॉरिसन संसदीय समितीसमोर म्हणाले,एका पत्रकाराने मला विचारले की त्या हिंसाचारामागे असणारी व्यक्ती म्हणजे अमित शाह आहेत का ? त्यावर मी पुष्टी केली की हो तीच व्यक्ती त्या सर्व घटनांमागे आहे.विशेष म्हणजे यावेळी देखील कॅनडाने भारतावर नुसते आरोप केले आहेत मात्र कुठल्याही प्रकारचा पुरावा दिलेला नाही.