“सत्तेतील लोकच जर भडकाऊ विधाने करत असतील तर हे दुर्दैवी आहे” !! नागपूर दंगलीप्रकरणी खासदार असदुद्दीन ओवेसी यांनी व्यक्त केली भूमिका !!

आता नागपूर दंगलीबाबत त्यांनी एएनआय वृत्तसंस्थेशी संवाद साधतांना म्हटले,“नागपूरमध्ये यापूर्वी कधीही सांप्रदायिक तणाव निर्माण झाला नव्हता.तिथे आपापसात बंधूभाव होता पण त्याच नागपूरमध्ये एवढी मोठी दंगल झाली हे ऐकून दुःख झाले.अनेक लोक या दंगलीत जखमी झाले.मी एवढेच म्हणेण की,आपल्या देशात गंगा-जमुनी तेहजीब आहे.रमजानचा महिना आहे कुणाच्याही चिथावणीला बळी पडू नका.हिंदू आणि मुस्लीम बांधवांना आवाहन करतो की,त्यांनी शांतता राखावी.देशाला पुढे न्यायचे असेल तर सर्वांनी शांतता राखावी.कायद्याला त्याचे काम करू द्यावे.”

एमआयएम पक्षाचे प्रमुख खासदार असदुद्दीन ओवेसी यांनीही या प्रकरणी प्रतिक्रिया दिली.संसदेच्या बाहेर माध्यमांशी बोलताना ते म्हणाले की “मागच्या काही दिवसांपासून महाराष्ट्राचे काही मंत्री चिथावणीखोर विधाने देत आहेत.सत्तेतील लोकच जर भडकाऊ विधाने करत असतील तर हे दुर्दैवी आहे”.

“कोणत्यातरी मुघल शासकाची प्रतिमा संपूर्ण राज्यात जाळली गेली पण त्याचा काही परिणाम झाला नाही.मग त्यांनी नागपूर येथे कापडावर लिहिलेला कुराणमधील मजकूर जाळला हे होत असतांना मुस्लीम बांधवानी पोलीस ठाण्यात जाऊन तक्रार दाखल केली पण त्यावर कोणतीही कार्यवाही केली गेली नाही.त्यानंतर सायंकाळी तिथे दंगल उसळली.मी या दंगलीचा निषेध करतो पण दंगलीच्या मागची पार्श्वभूमीही तपासून पाहिली पाहिजे” असेही खासदार असदुद्दीन ओवेसी म्हणाले.