विठ्ठल भक्तांसाठी आनंदाची वार्ता !! श्री विठ्ठल रुक्मिणीमातेचे पदस्पर्श दर्शन २ जून पासून सुरू होणार !!

पंढरपूर-पोलीस नायक (वृत्तसेवा) :-

दि.१८ मे २४ शनिवार

येथील श्री विठ्ठल रुक्मिणी मंदिर संवर्धन व जीर्णोद्धार कामे पूर्णत्वास येत आहे व त्यामुळे विठ्ठल आणि रूक्मिणीमातेचे पदस्पर्श दर्शन दि.२ जून २४ पासून सुरू करण्यात येणार असल्याची माहिती श्री विठ्ठल रूक्मिणी मंदिर समितीचे सह अध्यक्ष ह.भ.प. गहिनीनाथ महाराज औसेकर यांनी दिली आहे.सध्या रोज पहाटे ५ ते सकाळी ११ वाजेपर्यंत देवाचे लांबून दर्शन सुरू आहे.श्री विठ्ठल रुक्मिणी मंदीर संवर्धन कामांबाबत तसेच आषाढी यात्रापुर्व नियोजनाबाबत मंदिर समितीच्या बैठकीचे आयोजन करण्यात आले होते.या बैठकीस सदस्या शकुंतला नडगिरे,डॉ. दिनेशकुमार कदम,संभाजी शिंदे,ह.भ.प.ज्ञानेश्वर देशमुख जळगावकर,ऍड.माधवी निगडे,ह.भ.प.प्रकाश जवंजाळ,अतुलशास्त्री भगरे गुरुजी, ह.भ.प.शिवाजीराव मोरे तसेच कार्यकारी अधिकारी राजेंद्र शेळके,व्यवस्थापक बालाजी पुदलवाड,पुरातत्व विभागाचे सहाय्यक संचालक विलास वाहने,वास्तुविशारद तेजस्विनी आफळे,ठेकेदार रमेश येवले व सर्व खाते प्रमुख उपस्थित होते.