अजित पवारांनी मला ज्ञान देण्यापेक्षा…” !! भाग्यश्री आत्राम यांचा जोरदार पलटवार

भाग्यश्री आत्राम म्हणाल्या,अजित पवार यांनी गडचिरोलीत येऊन मला ज्ञान शिकवत आहेत.तुम्ही इतके अनुभवी आहात मग तुम्ही जेव्हा शरद पवारांना सोडून गेलात तेव्हा घर फुटत आहे हे तुम्हाला कळले नाही का ? आज तुम्ही मला कोणत्या तोडांना सांगत आहात की घर सोडू नका. आधी तुम्ही मान्य करा की तुम्ही घर फोडले आहे.मी घर फोडून आलेले नाही.धर्मराव बाबा आत्राम यांचे नक्षलवाद्यांनी जेव्हा अपहरण केले होते तेव्हा शरद पवारांनीच मध्यस्थी करून त्यांना सोडवले होते.शरद पवारांचे आमच्या कुटुंबावर उपकार आहे.आज मी त्या उपकारातून उतराई होण्याचा प्रयत्न करत आहे.धर्मराव बाबा आत्राम यांची साथ सोडल्यानंतर मला घरातून बाहेर काढण्यात आले आहे.दोन कपड्याच्या जोडीसह मी बाहेर पडले असून आता जनताच माझे भवितव्य ठरवेल असेही भाग्यश्री आत्राम म्हणाल्या.आम्ही बाप-लेक एकत्र नाहीत.लोकांनी याबाबत गैरसमज बाळगू नये असेही आवाहन त्यांनी केले.

दरम्यान भाग्यश्री अत्राम यांनी भाषा सुधारायला हवी अशी टीका धर्मराव बाबा अत्राम यांनी केली आहे.“माझा त्यांना पूर्ण आशीर्वाद आहे.त्यांची भाषा सुधारली पाहिजे.त्या राजकारणात नवीन आहेत.इतकी वर्षं सोबत होत्या त्यांनी काहीतरी शिकले पाहिजे होते ठीक आहे.आवेशात बोलल्या असतील किंवा कुणीतरी सांगितल्याने बोलत असतील.नवीन पिढीत काहीतरी करण्याचा उत्साह असतो.चांगले आहे पण आपण बोलत असताना मर्यादा ठेवून बोलले पाहिजे हे मी त्यांना शिकवू शकलो नाही ही माझी चूक आहे” अशा शब्दांत त्यांनी लेकीवर टीका केली आहे .