“माझे पुढील टार्गेट गजाभाऊ… पृथ्वीवर कुठेही असलास तरी तिथून तुला उचलणार !! सत्ता येताच भाजपाच्या मोहित कंबोजांची सोशल मीडियावरून धमकी !!

दरम्यान विधान परिषदेचे विरोधी पक्षनेते व शिवसेनेचे (ठाकरे) नेते अंबादास दानवे यांनी कंबोज यांची जाहीर धमकी पाहून संताप व्यक्त केला आहे.दानवे यांनी म्हटले आहे की,या असल्या कारभाऱ्यांनी भाजपाचे ‘कंभोजीकरण’ केले आहे.तत्त्ववादी नेत्यांचा पक्ष आज ‘याला उचल,त्याला उचल’ची भाषा करतो जे यांना अजिबात शोभत नाही… महाराष्ट्रात अशा धमक्यांना थारा नाही,मराठी माणसाबद्दल तर अजिबात नाही ! फिकर नॉट गजाभाऊ”. कंबोज यांनी ज्या गजाभाऊ अकाउंटला टॅग करून धमकी दिली होती त्याच अकाउंटला टॅग करून दानवे यांनी काळजी करू नका असे म्हटले आहे.

तर कंबोज यांच्या धमकीनंतर अनेकजण गजाभाऊच्या समर्थनात प्रतिक्रिया देत आहेत तर भाजपा कार्यकर्त्यांनी कंबोज यांचे समर्थन केले आहे.विधानसभा निवडणुकीच्या प्रचारादरम्यान गजाभाऊ व भाऊ गँग या दोन एक्स हँडल्सवरून सातत्याने उजव्या विचारसरणीविरोधात पोस्ट पाहायला मिळत होत्या.यादरम्यान गजाभाऊ हँडलवरून महायुती,भाजपा,शिवसेनेच्या (शिंदे) कारभारावर बोट ठेवणाऱ्या प्रतिक्रिया येत होत्या.बऱ्याचदा देवेंद्र फडणवीस यांच्यावर टीका करणाऱ्या पोस्ट देखील पाहायला मिळाल्या होत्या.अनेक भाजपा कार्यकर्ते गजाभाऊच्या पोस्टवर कमेंट करून धमकी देताना दिसले होते.दरम्यान आता कंबोज यांनी गजाभाऊ या एक्स हँडलला टॅग करत धमकी दिली आहे.