“देवेंद्र फडणवीस ईव्हीएम सीएम” !! प्रणिती शिंदेंचे टीकास्त्र

देवेंद्र फडणवीस ईव्हीएम सीएम-प्रणिती शिंदे !!

लोकांनी निवडणूक ताब्यात घेतली होती.शांतीत क्रांती करु असे लोक म्हणाले होते.लोकसभा निवडणुकीनंतर भाजपाच्या पायाखालची जमीन सरकली त्यामुळे विधानसभा निवडणुकीत त्यांनी कट-कारस्थान केले.चार महिन्यांत मतदार इतके कसे काय वाढले हा आमचा सरळ प्रश्न आहे.देवेंद्र फडणवीस यांच्या विरोधात मराठ्यांच्या तीव्र भावना होत्या.आता देवेंद्र फडणवीसच त्यांच्यावर मुख्यमंत्री म्हणून थोपवले गेले आहेत.ईव्हीएम सीएम असंच देवेंद्र फडणवीस यांना म्हणता येईल अशी बोचरी टीका प्रणिती शिंदे यांनी केली आहे.

लाडकी बहीण योजनेमुळे अनेक योजना थांबवण्यात आल्या आहेत-प्रणिती शिंदे !!

लाडकी बहीण सारख्या योजना आहेत त्यामुळे अनेक योजना थांबल्या आहेत.केंद्र शासनाचा जो निधी मिळतो त्यापैकी ७० टक्के निधी अद्याप मिळालेला नाही.रस्त्यांची कामं अनेक ठिकाणी थांबवण्यात आली आहे.संजय गांधी निराधार योजनेचा निधी जवळपास ६० टक्के रक्कम आलेली नाही.अनेक कामे थांबवण्यात आली आहे. महाराष्ट्र दिवाळखोरीच्या उंबरठ्यावर आहे आणि त्याला जबाबदार भाजपा आहे असाही आरोप प्रणिती शिंदे यांनी केला आहे.सोलापूर लोकसभेच्या खासदार प्रणिती शिंदे यांनी शनिवारी सायंकाळी राष्ट्रीय मतदारदिना निमित्त काँग्रेस भवन येथे पत्रकार परिषद घेतली.केंद्रीय निवडणूक आयोग हे भाजपच्या कार्यकर्त्यांप्रमाणे कामकाज करत आहेत.केंद्रीय निवडणूक आयोग ही स्वायत्त संस्था आहे तरीही या संस्थेवर भयंकर अशा दबाव तंत्राचा वापर केला जात आहे असे खासदार प्रणिती शिंदे यांनी म्हटले आहे.