“देशभक्त व्यक्तीला कोणी त्रास दिला तर त्याला सोडणार” !! अजित पवारांच्या इफ्तार पार्टीतील विधानावर फडणवीस यांची प्रतिक्रिया !!

मुंबईत आयोजित केलेल्या इफ्तार पार्टीत मुस्लीम समुदायाला रमजानच्या शुभेच्छा देत असतांना अजित पवार म्हणाले,भारत हा विविधतेत एकतेचे प्रतिक असलेला देश आहे.विभाजनवादी शक्तींच्या जाळ्यात कुणीही अडकू नये.ते पुढे म्हणाले की,तुमचा बंधू म्हणून मी तुमच्या पाठिशी उभा आहे व जर कुणी मुस्लीम बांधव आणि भगिनींना त्रास देण्याचा किंवा त्यांच्याकडे डोळे वटारून पाहण्याचा प्रयत्न केला तर त्याला सोडणार नाही असे त्यांनी म्हटले आहे.यानंतर राज्याचे मुख्यमंत्री देवेंद्र फडणवीस यांनीही उपमुख्यमंत्री अजित पवार यांच्या “आमच्या मुस्लिम बांधवांकडे डोळे वटारणाऱ्याला सोडणार नाही” या वक्तव्यावर प्रतिक्रिया दिली असून ते म्हणाले की,कोणत्याही जाती किंवा धर्मातील देशभक्त व्यक्तींना त्रास देणाऱ्याला आणि दोषी आढळणाऱ्यांना त्याचे परिणाम भोगावे लागतील.पत्रकार परिषदेत बोलतांना फडणवीस म्हणाले, अजित पवार काय म्हणाले हे मला माहिती नाही,कोणत्याही जाती किंवा धर्मातील चांगले काम करणाऱ्या आणि देशभक्त व्यक्तीला त्रास दिला आणि दोषी आढळला तर त्याला सोडले जाणार नाही असे मुख्यमंत्री देवेंद्र फडणवीस यांनी नमूद केले आहे.