रायगडावर शिवसृष्टी निर्माण करण्याकरिता ५० कोटींच्या निधीची तरतूद-मुख्यमंत्र्यांची घोषणा

रायगड-पोलीस नायक (वृत्तसेवा) :-

स्वराज्याची स्थापना करण्याचे ध्येय घेऊन वयाच्या १६ व्या वर्षी शपथ घेणाऱ्या शिवरायांचे बरोबर ३५० वर्षांपूर्वी आजच्याच दिवशी ‘छत्रपती’ शिवाजी महाराज झाले! आज दि.२ जून २३ रोजी रायगडावर मोठ्या दिमाखात शिवाजी महाराजांचा राज्याभिषेक सोहळा पार पडला होता. त्या घटनेला तिथीनुसार आज ३५० वर्षं पूर्ण झाली असून यानिमित्ताने रायगडावर मोठ्या उत्साहात शिवराज्याभिषेक दिन सोहळा साजरा केला जात आहे यावेळी मुख्यमंत्री एकनाथ शिंदे यांनी महाराष्ट्रातील जनतेला संबोधित केले तेव्हा त्यांनी दोन मोठ्या घोषणा केल्या आहेत.छत्रपती शिवाजी महाराजांच्या शौर्याचा इतिहास रायगड किल्ल्यावर प्रत्यक्ष उभारण्यासाठी शिवसृष्टी निर्माण करण्यात येणार आहे याकरिता मुख्यमंत्री एकनाथ शिंदे यांनी ५० कोटींच्या निधीची तरतूद केली असल्याची आज घोषणा करण्यात आली.तसेच प्रतापगडच्या संवधर्नाकरता प्रतापगड प्राधिकारणाची निर्मिती करण्यात येणार आहे व या प्राधिकरणाच्या अध्यक्षपदी उदयनराजे भोसले असतील अशीही घोषणा मुख्यमंत्री एकनाथ शिंदे यांनी यावेळी केली आहे.त्याचबरोबर लंडनच्या संग्रहालयात असलेल्या छत्रपती शिवाजी महाराजांची भवानी तलवार आणि वाघनखे महाराष्ट्रात आणण्यासाठी प्रयत्न करणार असल्याचे ही त्यांनी पुढे स्पष्ट केले याकरिता पंतप्रधान नरेंद्र मोदी व सुधीर मुनगंटीवार प्रयत्न करत असल्याचे त्यांनी सांगितले.