“दुसऱ्यांचे वस्त्रहरण करणाऱ्याचेच आज वस्त्रहरण झाले आहे” नाना पटोले यांची टीका

किरीट सोमय्या यांच्या संदर्भात प्रतिक्रिया देताना काँग्रेस प्रदेशाध्यक्ष नाना पटोले पुढे म्हणाले की,२०१४ पासून राज्यात सीबीआय,ईडी आणि आयकर विभागासारख्या केंद्रीय तपास यंत्रणांची भीती दाखवून ब्लॅकमेल करण्याचे वातावरण सुरू आहे.भाजपाने कुठे नेऊन ठेवला आहे महाराष्ट्र माझा? अशी परिस्थिती निर्माण झाली आहे.जी व्यक्ती दुसऱ्यांचे वस्त्रहरण करत होती त्याच व्यक्तीचे आता वस्त्रहरण झाले आहे पण हा मुद्दा काँग्रेस पक्षासाठी महत्त्वाचा नाही तर काँग्रेससाठी जनतेचे प्रश्न महत्त्वाचे आहेत.महागाई गगनाला भिडली आहे.शेतकऱ्यांच्या आत्महत्या वाढल्या आहेत.सरकार विधानसभेत घोषणा करते पण शेतकऱ्यांपर्यंत मदत पोहचत नाही हे प्रश्न मार्गी लावण्याचे काम काँग्रेस पक्षासाठी महत्त्वाचे आहे.बेरोजगारीचा प्रश्न मोठा गंभीर आहे.सरकारी नोकर भरती करण्यात राज्य सरकार टाळाटाळ करत आहे.राज्यात ५० ते ६० हजार शिक्षकांची पदे रिक्त आहेत परंतु ती भरली जात नाहीत.सरकारने या प्रश्नात लक्ष घालून तरुणांना न्याय दिला पाहिजे असेही पटोले म्हणाले.