“हिंमत असेल तर त्यांनी अमरावतीमध्ये येऊन माझ्याविरोधात निवडणूक लढवावी व मला पराभूत करून दाखवावे,”

गोपाल शर्मा,पोलीस नायक

विदर्भ विभाग प्रमुख

दि.२१ फेब्रुवारी २४ बुधवार

अमरावतीच्या खासदार नवनीत राणा आणि छत्रपती संभाजीनगरचे खासदार इम्तियाज जलील यांच्यात चांगलाच शाब्दिक संघर्ष रंगला असून काही दिवसांपूर्वी जलील यांनी राणा यांच्यावर टीका केली होती.त्यानंतर आता नवनीत राणा यांनी देखील जलील यांना थेट आव्हान दिले.हिंमत असेल तर माझ्याविरोधात निवडणूक लढवून दाखवा व मला पराभूत करून दाखवा असे राणा म्हणाल्या आहेत.त्या अमरावतीत एका कार्यक्रमात बोलत होत्या.मी त्या दिवशी संसदेत म्हणाले होते की या देशात राहायचे असेल तर जय श्री राम म्हणावे लागेल.नवनीत राणा यांना पराभूत करण्यासाठी आम्ही अमरावतीत येऊ असे खासदार इम्तियाज जलील म्हणाले.पण त्यांच्यासारखे किती आले आणि किती गेले.हिंमत असेल तर त्यांनी अमरावतीमध्ये येऊन माझ्याविरोधात निवडणूक लढवावी व मला पराभूत करून दाखवावे असे खुले आव्हान नवनीत राणा यांनी जलील यांना दिले.