लिम्का बुक ऑफ रेकॉर्ड्समध्ये नोंद असलेले होर्डिंग !! घाटकोपरमध्ये कोसळलेल्या होर्डिंगविषयी BMC चा मोठा खुलासा !!

बीएमसीच्या माहितीनुसार दुर्घटना घडली त्या ठिकाणी चार होर्डिंग्ज होत्या आणि त्या सर्वांना पोलीस आयुक्त (रेल्वे मुंबई) साठी एसीपी (प्रशासन) यांनी मान्यता दिली होती.मात्र होर्डिंग्ज उभारण्यापूर्वी बीएमसीची कोणतीही परवानगी/एनओसी एजन्सी/रेल्वेकडून घेण्यात आली नव्हती.दरम्यान बिलबोर्ड बांधणाऱ्या M/S Ego Media या एजन्सीविरुद्धही तक्रार नोंदवण्यात आली होती व बीएमसीसुद्धा त्यांच्या विरुद्ध एफआयआर दाखल केली होती.बीएमसी जास्तीत जास्त ४० x ४० चौरस फूट होर्डिंग उभारण्याची परवानगी देते मात्र कोसळलेले होर्डिंग १२० x १२० चौरस फूट आकाराचे होते.सध्या बीएमसी एन वॉर्डच्या सहाय्यक आयुक्तांनी एजन्सीला बीएमसीची वैध परवानगी नसल्याबद्दल त्यांचे सर्व होर्डिंग तात्काळ काढून टाकण्याची नोटीस बजावली आहे.बीएमसी आपत्ती नियंत्रण कक्षाला भेट दिल्यानंतर पत्रकारांशी बोलतांना बीएमसी आयुक्त भूषण गगराणी यांनी सांगितले की,हे एक बेकायदेशीर होर्डिंग होते.ज्या ठिकाणी ही घटना घडली त्या ठिकाणी रेल्वेच्या जमिनीवर चार होर्डिंग उभारण्यात आले होते आणि त्यापैकी एक कोसळले आहे.बीएमसी वर्षभरापासून होर्डिंग्ज लावण्यावर आक्षेप घेत होती.यापूर्वी १९ मे २०२३ ला संबंधित होर्डिंगसाठी छेडानगर जंक्शनजवळील आठ झाडांना पावडर घालून विषबाधा करत पाडण्याचा प्रयत्न झाला होता.याप्रकरणी सुद्धा बीएमसीने एफआयआर दाखल केली होती असे बीएमसीच्या सूत्रांकडून सांगण्यात आले आहे.