सदरहू या सर्व बोगस कागदपत्रांच्या आधारे पात्र नसतांनाही पाल्यांना आरटीई अंतर्गत शाळांमध्ये प्रवेश मिळवून देण्यात येतो व अशा बोगस विद्यार्थ्यांमुळे आरटीईसाठी पात्र असलेल्या विद्यार्थ्यांवर अन्याय होत आहे.शिक्षण विभागाचे अधिकारी रमेश गंगाधर हरडे मानेवाडा रिंग रोड यांनी याबाबत सीताबर्डी पोलिसात तक्रार दिली असून या तक्रारीवरून पोलिसांनी १७ पालकांवर गुन्हे दाखल केले आहेत तसेच या प्रकरणाच्या तपासासाठी विशेष तपास पथकाची स्थापना केली आहे.दरम्यान आरोपी पालकांची धरपकड सुरु असून त्यांच्या शोधासाठी पथक रवाना करण्यात आल्याची माहिती सीताबर्डी पोलीस स्टेशनचे ठाणेदार आसाराम चोरमोले यांनी दिली आहे.आरटीई प्रवेश मिळवून देण्यासाठी बनावट कागदपत्रे तयार करणाऱ्या टोळीशी शिक्षण विभागातील कुणी अधिकारी आणि कर्मचाऱ्याचा टोळीत समावेश आहे का ? याचा शोध पोलीस घेत आहेत.काही अधिकारी आणि कर्मचाऱ्यांच्या नावाची चर्चा सुरु असून त्यांचीही चौकशी सीताबर्डी पोलीस करणार आहेत.आरटीई अंतर्गत नामवंत शाळांमध्ये पाल्यांना हमखास प्रवेश मिळवून देण्याच्या नावाखाली दलाल दीड ते दोन लाख रुपये पालकांकडून घेत होते.अर्धे पैसे प्रवेश प्रक्रिया सुरु असतांना आणि अर्धे पैसे शाळेत प्रवेश मिळल्यानंतर घेण्यात येत होते अशी चर्चा आहे.रशिद नावाचा दलाल या टोळीचा म्होरक्या असल्याची माहिती समोर आली आहे.दरम्यान गुन्हा दाखल होताच दलालांनी अटक होण्याच्या भीतीने शहरातून पळ काढला आहे असे सूत्रांकडून सांगण्यात येत आहे.