धावत्या एसटी बसने घेतला पेट चालकाच्या सतर्कतेने सर्व प्रवासी सुखरूप

याबाबत मिळालेली माहिती अशी की,गणेशपेठ आगराची अकोला नागपूर बस क्र.एम एच-१४ बी टी ४४११ ही अकोला येथून नागपूरकडे जात असताना मंगळवारी दुपारी साडे तीन वाजण्याच्या दरम्यान पिंपळविहिरनजीक आली त्यावेळी एसटी बसच्या इंजिनातून धूर निघत असल्याने प्रसंगावधान साधून चालकाने रस्त्याच्या कडेला बस थांबवली आणि आधी सर्व प्रवाशांना खाली उतरण्यास सांगितले बसमध्ये असलेले सर्व प्रवासी तातडीने बसमधून खाली उतरले तोपर्यंत बसच्या इंजिनाने पेट घेतला होता आणि क्षणार्धात संपूर्ण बस आगीच्या भक्ष्यस्थानी सापडली.चालकाने तातडीने नांदगाव पेठ पोलीस स्टेशन,अग्निशमन दल यांना पाचारण केले.यावेळी नांदगाव पेठ पोलीस स्टेशनचे पोलीस निरीक्षक आपल्या ताफ्यासह घटनास्थळी पोहचले व महामार्गावर वाहनांची झालेली कोंडी पोलिसांनी सुरळीत केली.काही वेळात अग्निशमन दलाचे कर्मचारी सुद्धा घटनास्थळीदाखल झाले व आग आटोक्यात आणली मात्र तोपर्यंत एसटी वाहनाचा संपूर्ण कोळसा झाला होता.विशेष म्हणजे चालकाने दाखविलेल्या धाडसाचे आणि सतर्कतेचे सर्वत्र कौतुक होत आहे.चालकाने प्रसंगावधान साधले नसते तर काही क्षणात होत्याचे नव्हते झाले असते यावेळी अनेकांनी चालकाच्या पाठीवर शाबासकीची थाप मारली.