गर्भवती पत्नीचा अपघाती मृत्यू जिव्हारी लागल्याने पतीने केली विष पिऊन आत्महत्या

विद्या आणि रमेश यांचा आठ महिन्यांपूर्वीच जुन्नर येथे विवाह झाला होता यानंतर ती चार महिन्यांची गर्भवती होती त्यामुळे तिची डॉक्टरकडे तपासणी सुरू होती.१४ नोव्हेंबरला रमेश आपली पत्नी आणि सासूला दुचाकीवरून घेऊन डॉक्टरांकडे तपासणी करून घरी जात होता. यादरम्यान वारुळवाडी येथे येताच ऊस घेऊन येणाऱ्या ट्रॅक्टर ट्रॉलीचा धक्का दुचाकीला लागला व यामुळे विद्या खाली पडली तिच्या डोक्यावरून ट्रॉलीचे चाक गेल्याने तिचा जागीच मृत्यू झाला.पत्नीच्या मृत्यूनंतर रमेश तणावाखाली होता तसेच त्याने मागच्या दोन दिवसांपासून अन्न आणि पाणी देखील सोडले होते.यानंतर अखेर त्याने बुधवारी रात्रीच्या सुमारास विषारी औषध पिऊन आपल्या आयुष्याचा शेवट केला आहे. घटनेमुळे परिसरात हळहळ व्यक्त केली जात आहे.