दहावीचा ९३.८३ टक्के निकाल जाहीर;गेल्या वर्षीच्या तुलनेत यंदाच्या निकालात ३.११ टक्क्यांची घट

यंदाच्या निकालात कोकण विभागाचा निकाल सर्वाधिक ९८.११ टक्के,तर नागपूर विभागाचा निकाल सर्वांत कमी ९२.०५ टक्के आहे.१५१ विद्यार्थ्यांना शंभर टक्के गुण मिळाले आहेत.६६ हजार विद्यार्थ्यांना ९० टक्क्यांहून अधिक गुण मिळाले आहेत तर १ लाख ९ हजार ३४४ विद्यार्थ्यांना ८५ ते ९० टक्के गुण मिळाले आहेत.

दृष्टिक्षेपात निकाल पुढीलप्रमाणे आहे.

नोंदणी केलेले नियमित विद्यार्थी – १५ लाख ४१ हजार ६६६,परीक्षा दिलेले नियमित विद्यार्थी – १५ लाख २९ हजार ९६,उत्तीर्ण झालेले नियमित विद्यार्थी – १४ लाख ३४ हजार ८९८ असा राहिला आहे.तर निकालाची टक्केवारी – ९३.८३ पुढीलप्रमाणे राहिली आहे.यात पुनर्परीक्षार्थी नोंदणी– ३७ हजार ७०४,परीक्षा दिलेले पुनर्परीक्षार्थी – ३६ हजार ६४८,उत्तीर्ण झालेले पुनर्परीक्षार्थी – २२ हजार ३२०,पुनर्परीक्षार्थींच्या उत्तीर्णतेची टक्केवारी – ६०.९०,खासगी विद्यार्थी नोंदणी – २१ हजार २१६,परीक्षा दिलेले खासगी विद्यार्थी – २० हजार ५७४,उत्तीर्ण झालेले खासगी विद्यार्थी – १५ हजार २७७,खासगी विद्यार्थ्यांच्या उत्तीर्णतेची टक्केवारी – ७४.२५,नियमित आणि पुनर्परीक्षार्थी एकत्रित निकालाची टक्केवारी – ९३.०६ याप्रमाणे आहे.