“महाराष्ट्रातले वातावरण दिवसेंदिवस कलुषित करण्याचे सरकारकडून प्रयत्न”जितेंद्र आव्हाड यांचा शिंदे-फडणवीस सरकारवर गंभीर आरोप

महाराष्ट्रावर जर काळा डाग पडला असेल तर तो पुसला पाहिजे.ठाणे हा मुख्यमंत्र्यांचा जिल्हा आहे.महापालिका त्यांच्याकडे आहे.त्या महापालिकेत ते कधी काळी सभागृह नेते होते मात्र हे प्रकरण गांभीर्याने कुणी घेतलीच नाही.मुख्यमंत्र्यांनी हे जाहीर करायला हवे होते की असे काहीही घडलेले नाही.मी आमदार आहे म्हणून बोंबलतोय.मुंब्रा बदनाम करुन तुम्ही किती घाणेरडे राजकारण करत आहात?मुंब्र्यात २५ टक्के हिंदू लोकही राहतात.माझे म्हणणे स्पष्ट आहे तुम्ही हिंदू मुलांना-मुलींना अपरिपक्व समजता का?त्यांना काही कळत नाही असे तुम्हाला म्हणायचे आहे का? तुमच्या राजकीय स्वार्थासाठी तुम्ही हिंदू समाजाला बदनाम करताय का? त्यांना दाखवणार हा राक्षस आहे मी आहे म्हणून तू वाचलीस,वाचलास.राक्षस दाखवण्याचे हे प्रकार चाललेत ना? ते भयंकर आहेत.तुमच्यापुढे भयाचे राक्षस निर्माण करायचे आणि या संकटातून वाचायचे असेल तर आमची पूजा करा यासाठी सगळे चालले आहे असाही आरोप जितेंद्र आव्हाड यांनी केला आहे.लोकसभा निवडणूक होवो किंवा विधानसभा यांचा पराभव निश्चित आहे त्यापासून पळण्यासाठी उभे काय करायचे? तर धर्माचा राक्षस.एका धर्माला दुसऱ्या धर्माचा राक्षस दाखवून घाबरावयचे आणि तुम्ही आमच्याबरोबर राहा म्हणजे आम्हीच या राक्षसाला मारु शकतो असा राक्षसांचा खेळ सुरु आहे असाही गंभीर आरोप जितेंद्र आव्हाड यांनी केला आहे.