राज्यात डोळे येण्याच्या साथीची झपाट्याने वाढ;आरोग्य विभागाकडून प्रभावी उपाययोजनेची गरज

पुणे-पोलीस नायक (प्रतिनिधी) :-

दि.२९ जुलै २३ शनिवार

राज्यात बहुतेक सर्व जिल्ह्यांमध्ये अनेक भागांत डोळे येण्याची साथ सुरू झाली आहे हि डोळे येण्याची साथ आजारामध्ये झपाट्याने वाढ होत असल्याचे दिसून येत आहे.सदरील डोळे येणे हि साथ ॲडिनो विषाणूमुळे पसरत असून राज्यात सर्वाधिक रुग्णसंख्या पुणे शहर आणि जिल्ह्यात नोंदविण्यात आली आहे.राज्यात यंदा २७ जुलैपर्यंत असे ३९ हजार ४२६ रुग्ण सापडले असून त्यातील ७ हजार ८७१ रुग्ण पुण्यातील आहेत अशी माहिती आरोग्य विभागाने नुकतीच दिली आहे.राज्यात पुण्यानंतर बुलढाण्यात मोठ्या संख्येने डोळ्याच्या साथीचे रुग्ण सापडले आहेत. बुलढाण्यात ६ हजार ६९३ रुग्ण आढळले असून अमरावती २ हजार ६११,गोंदिया २ हजार ५९१,धुळे २ हजार २९५,जालना १ हजार ५१२, वाशिम १ हजार ४२७,हिंगोली १ हजार ४२५,नागपूर महापालिका १ हजार ३२३,अकोला १ हजार ३०६,यवतमाळ १ हजार २९८,परभणी १ हजार १०९,जळगाव १ हजार ९३ अशी रुग्णसंख्या आहे.सर्वांत कमी रुग्णसंख्या रायगडमध्ये असून तिथे केवळ एक रुग्ण सापडला आहे तर पिंपरी-चिंचवड महापालिकेच्या हद्दीत ३२४ रुग्ण आढळले आहेत.तसेच दिवसेंदिवस या साथीच्या आजारामध्ये दिवसेंदिवस झपाट्याने वाढ होत असल्याने आरोग्य विभागाकडून प्रभावी उपाययोजनेची गरज असल्याचे जनसामान्यातून बोलले जात आहे.