किनगाव येथे २० डिसेंबर रोजी होणाऱ्या मराठा समाज वधु-वर मेळाव्यात सहभागी होण्याचे आवाहन

यावल-पोलीस नायक (प्रतिनीधी) :-

दि.१५ डिसेंबर २३ शुक्रवार

तालुक्यातील किनगाव येथील इंग्लिश मिडीयम निवासी पब्लिक स्कूल येथे दि.२० डिसेंबर २३ बुधवार रोजी मराठा समाजाच्या वधु-वर परीचय मेळाव्याचे आयोजन करण्यात आले असून या मेळाव्यात समाजबांधवांनी जास्तीत जास्त संख्येने उपस्थिती द्यावी असे आवाहन आयोजकांच्या वतीने करण्यात आलेले आहे.

तालुक्यातील किनगाव येथील इंग्लिश मिडीयम निवासी पब्लिक स्कुलचे  चेअरमन तसेच अंन्न व औषध प्रशासन महाराष्ट्र राज्याचे सेवानिवृत्त सहाय्यक आयुक्त विजयकुमार देवचंद पाटील यांच्या संकल्पनेतून या मेळाव्याचे आयोजन करण्यात आले असुन मराठा समाजाच्या तरूण व तरूणींनी या मेळाव्याचा लाभ घ्यावा असे आवाहन इंग्लिश मिडीयम निवासी पब्लिक स्कूल व व्ही.मार्ट परीवार यांनी केले आहे.या मेळाव्यासाठी वधू-वर यांनी आपले परीचय पत्र(बायोडाटा) व स्वलीखीत अर्जासह उपस्थीत राहावे.सदर मेळाव्यात वधू-वर यांनी व्यासपीठावर येऊन आपला संपुर्ण परीचय करून द्यावा व आपसात मेळ करण्याचा प्रयत्न करावा त्यासाठी गरज पडल्यास आयोजकही पुढाकार घेऊन संबध जुळवण्यासाठी मदत करतील.हा मेळावा पुर्णपणे निशुल्क असुन दि.२० डिसेंबर बुधवार रोजी सकाळी १० ते सायंकाळी ५ या वेळात हा मेळावा घेण्यात येणार आहे.या मेळाव्यात सहभागी होण्यासाठी आपले परीचय पत्र (मोबाईल नंबरसह) व्यंकटेश बालाजी एंन्टरप्रायजेस संचलीत व्ही.मार्ट किनगाव येथे स्विकारले जातील किंवा मेळाव्यात सोबत आणले तरी चालेल.या मेळाव्यासाठी सकल मराठा समाज यावल तालुक्याचे सहकार्य लाभणार आहे.सदरील मेळाव्याचा अधिक माहीतीसाठी डी.बी.पाटील सर यावल शहर-९४२२७७४२१५,अजय पाटील सर- सावखेडासिम तालुका यावल-९८८१५२७९५१,सुनिल गावडे (पाटील) पत्रकार यावल शहर-९४२१५१५३९९,महेश पाटील उंटावद तालुका यावल-९८२३२३६७४३ या क्रमांकावर संपर्क साधावा असे आवाहन समाजबांधवांचा वतीने करण्यात आले आहे.